“ქართული ოცნების” თავმჯდომარე, ირაკლი კობახიძე ამბობს, რომ ცუდია, რომ შესაძლოა ორი პარტია მოხვდეს შემდეგ პარლამენტში, მაგრამ, მისივე მტკიცებით, საარჩევნო ბარიერი 2%-იანი რომც იყოს, საბოლოო ჯამში მაინც ორი პარტია მოხვდება პარლამენტში – “ოცნება” და “კოლექტიური ნაცმოძრაობა”.
“ფორმალურად ისინი დაშლილები იქნებიან, ერთად იქნებიან, თუ როგორ იქნებიან, განსხვავება არ არის, იმიტომ, რომ ეს არის კოლექტიური ნაცმოძრაობა. ერთი პოლიტიკური პარტია, ამიტომ ასეც და ისეც, რამხელაც არ უნდა იყოს ბარიერი, შემდეგ პარლამენტში მაინც მოხვდება ორი სუბიექტი, ეს არის “ქართული ოცნება” და კოლექტიური ნაცმოძრაობა. სამწუხაროდ, ეს არის რეალობა. მაინც არ იქნება მრავალპარტიული შემდეგი პარლამენტი, იმიტომ, რომ ის კლუბები, რომლებიც სინამდვილეში არიან კოლექტიური ნაცმოძრაობის ნაწილი, შევლენ პარლამენტში. 113 ხმა გვექნება თუ არა, ეს ცალკე თემაა, მაგრამ მე დარწმუნებული ვარ, რომ დღეს რა მანდატების რაოდენობაც გვაქვს, იმაზე ბევრად მეტს მივიღებთ შემდეგ პარლამენტში”, – ამბობს კობახიძე.
მან თქვა, რომ IRI-ის კვლევების მიმართ ნდობა არ აქვთ.
