„ევროპულმა სკოლამ საქართველოს იმედი მისცა“_ამ სათაურით ეხმიანება EURONEWS საქართველოში ახალი საერთაშორისო სკოლის გახსნას.
როგორც მაუწყებელი წერს, ზაფხულის არდადეგების შემდეგ სკოლაში დაბრუნება არ არის ადვილი, მაგრამ ეს სექტემბერი მირიამ ქებაძესთვის, რომელიც საქართველოს პატარა სოფელ ქარელიდან არის, ახალი თავგადასავლით დაიწყო.
ის თბილისში პირველი ევროპული სკოლის გახსნას დაესწრო.
„ცოტას ვღელავ, რადგან ვფიქრობ მოსწავლეებისთვის რთული იქნება, მაგრამ ვიმედოვნებ, სასწავლო წელი ჩემთვის კარგად ჩაივლის“,_ამბობს მირიამი.
როგორც მაუწყებელი წერს, მისი ოჯახი დარწმუნებულია, რომ უკეთესი განათლების მიღებით მარიამს შეუძლია წვლილი შეიტანოს ქვეყნის განვითარებაში, რომელსაც წარსულმა ღია ჭრილობები დაუტოვა. ერთ-ერთი მათგანია რუსეთთან ომი, რომელმაც 2008 წელს სამხრეთ ოსეთის ოკუპაცია მოახდინა, რეგიონის, რომელიც მარიამის მშობლიური სახლიდან 20 კილომეტრითაა დაშორებული.
მაუწყებლის ინფორმაციით, ერთ-ერთი სტუდენტი მოლდოვადან არის.
„მათ არ აქვთ საზღვრები ევროპაში. ისინი იმავე ღირებულებებს იზიარებენ, როგორიცაა თავისუფლება, თანასწორობა, კანონის უზენაესობა და მე მომწონს ეს, ეს არის ის რასაც ევროპა ნიშნავს ჩემთვის“_ამბობს ის.
ერთი მოსწავლე აზერბაიჯანიდანაა.
„ვფიქრობ, ევროკავშირი პოლიტიკური დინოზავრია, ის ძალიან ძლიერია. ჩემი აზრით, მომავალში უფრო სახიფათო როლს შეასრულებს“,_ამბობს ის.
მაუწყებლის ინფორმაციით, ევროკავშირსა და აღმოსავლეთ პარტნიორობის ქვეყნებს შორის თანამშრომლობის ერთ-ერთი მიზანი ახალგაზრდებისთვის პერსპექტივების მიცემაა.
რეგიონს, რომელიც ხასიათდება ძველი კონფლიქტებით, პოლიტიკური არასტაბილურობით, საერთაშორისო სწავლების მეშვეობით შეუძლია ხელი შეუწყოს ახალი თაობების დაახლოებას და უსაფრთხოებას.
როგორც EURONEWS წერს, სკოლა 4 სექტემბერს გაიხსნა.
„გადავწყვიტეთ, ჩვენს მეზობლებთან ერთად, რომ უნდა გავაუმჯობესოთ არა მხოლოდ ურთიერთობა, არამედ საცხოვრებელი პირობები ჩვენს სამეზობლოში. გარკვეული რამ უნდა გაკეთდეს პარალელურად“,_განაცხადა ევროკომისარმა ჰანმა.
ერთი რამ არის ნათელი, სკოლამ საქართველოს იმედი მისცა, ხოლო სხვა სახელმწიფოებს ევროპული სკოლების გახსნის სურვილი.
