ავსტრიული საინფორმაციო სააგენტო NEWS.COM.AU ჟურნალისტ ალექსის ქერის შთაბეჭდილებას აქვეყნებს საქართველოში მოგზაურობის შესახებ.
როგორც ცნობილია, ალექსის ქერს 47-ზე მეტ ქვეყანაშია ნამყოფი.
„გურია ნიუსი“ NEWS.COM.AU-ზე გამოქვეყნებული სტატიის თარგმანს გთავაზობთ:
„გზამკვლევი წიგნების გათვალისწინებით, საქართველო სამოთხეა ულამაზესი სოფლებით, კარგი საკვებით და ღვინით, ასევე მსოფლიოში ერთ-ერთი ყველაზე კეთილგანწყობილი, ყველაზე სტუმართმოყვარე ხალხით.
მაგრამ სინამდვილეში ასეა? მაინცდამაინც _ არა. ყოველ შემთხვევაში, ასე აღმოვაჩინე ჩემი ვიზიტის დროს პატარა ევროპულ ერში, რომელიც ესაზღვრება რუსეთს, თურქეთს, სომხეთს და აზერბაიჯანს.
ვიდრე საქართველოში ფეხს დავდგამდი, ვაღიარებ, რომ მის შესახებ არაფერი ვიცოდი. ასე რომ, დავგუგლე. წარმოსახვით საქართველოს შეყვარება არ გამიჭირდა, რადგან ფორუმზე აღინიშნა მშვენიერი დეკორაციები, გამორჩეული ქალაქები, რომლებიც სავსეა მომხიბლავი ადგილებით.
თუმცა, ეს სურათი მალევე გაქრა და თბილისის ბინძურ ქუჩებში ფეხით დავდიოდი.
ავტობუსით 24-საათიანი მგზავრობის შემდეგ სასტუმრომდე დანგრეული გზით მივედი. მიუხედავად ამისა, ვიფიქრე საჭმელზე, ღვინოზე და ცნობილ ქართულ სტუმართმოყვარეობაზე და და გადავწყვიტე დრო სასიამოვნოდ გამეტარებინა.
და იცით რა? საკვები იყო კარგი. ფაქტობრივად, საოცარი.
რამდენიმე დღის განმავლობაში ჩვენ გემრიელ სოკოს სუპს, წვნიან მწვადს და ხინკალს მივირთმევდით.
სამწუხაროდ, საკვებით მოვიწამლე და მთელი კვირის განმავლობაში ცარიელ პურს ვჭამდი.
ღვინო, ასევე, კარგი იყო.
სავარაუდოდ, ღვინო გამოიგონეს საქართველოში, ასე რომ, ყველგან უზომოდ იაფი ღირს.
შემდეგ თბილისიდან გავედით. საქართველო სავსეა შთამბეჭდავი მთებით და მთებში მდგარი ულამაზესი მონასტრებით, ეპიკური ტბებით, მდინარეებით, ასევე ლამაზი ზღვისპირა ქალაქებით.
თუ ბუნება გიყვართ და წანწალი, ასევე, ჯომარდობა და დოღი, მაშინ ქვეყნის ბუნებრივი საოცრება გიყვართ.
ასევე, უნდა ვაღიარო, რომ მე ქვეყანაში მოგზაურობით ვისიამოვნე ტურისტული ავტობუსების გარეშე.
თუ ეს ცნობილი ქართული სტუმართმოყვარეობა არსებობს, ჩვენ ვერ მივაგენით მას.
თუ სტუმართმოყვარეობა არ გულისხმობს მოხუცებს ქუჩაში, სწრაფ ტაქსის მძღოლებს, თაღლითობას, სასტუმროს მეპატრონეებს, რომლებიც ოთახისკენ მიმავალ გზას ბუზღუნით მიგითითებენ, ოფიციანტებს, რომლებიც თვალით არ ამყარებენ კონტაქტს და არ გიღიმიან, დიასახლისების წინ წაწევას სუპერმარკეტის რიგში.
ისიც შესაძლებელია, რომ ჩვენ არ გაგვიმართლა და უხეშ ხალხს შევხვდით საქართველოში გატარებული კვირის ფარგლებში.
უკვე შევიძინე ჩრდილოეთ კორეის მიმართულებით ბილეთები.
დარწმუნებული ვარ, იქ უფრო ვისიამოვნებ.
