THE DAILY MAIL ქართველი რაგბისტების სურვილზე, ითამაშონ ექვსი ერის ჩემპიონატზე და მათ მხარდამჭერ, ბიძინა ივანიშვილზე წერს.
„გურია ნიუსი“ ბრიტანული მაუწყებლის მიერ გამოქვეყნებული სტატიის თარგმანს გთავაზობთ.
თბილისის სამხრეთ ნაწილში ფერდობზე მდებარე ფოლადისა და შუშის სასახლე საკუთარი აუზით ჯეიმს ბონდის პირველ საცხოვრებელს ჰგავს, რომლის მფლობელსაც პირადი აკვარიუმის შესანარჩუნებლად ზღვის მარილი ჩამოაქვს, გარდა ამისა, მილიარდი დოლარის ღირებულების ხელოვნების კოლექცია აქვს და ფარშევანგები, პინგვინები და ზებრები ჰყავს.
„8 სხვადასხვა სახეობის ფარშევანგია და მე ყველა მყავს“,_ამბობს ის.
მაუწყებლის ცნობით, წლების განმავლობაში არავინ იცოდა თუ როგორ გამოიყურებოდა იდუმალი მკვიდრი, რომელიც, ცნობილი იყო თეატრებისთვის, ტაძრებისა და საქართველოს რაგბის ნაკრებისთვის დიდი ფინანსური შემოწირულობებით.
2011 წელს ბიძინა ივანიშვილმა გაამხილა თავის ვინაობა და პრემიერ-მინისტრიც გახდა. ის მოლაპარაკებებს აწარმოებდა ბარაქ ობამასა და დავიდ კამერონთან. ახლა კი, მილიარდერი ცდილობს საქართველოს დაეხმაროს შეუერთდეს ექვსი ერის თამაშს.
მსოფლიო რეიტინგში საქართველო იტალიას უსწრებს, მაგრამ ელიტარული ექვსი ერის კომიტეტი ახალი კანდიდატის მიერ შეთავაზებულ წინადადებებს დასცინის. შეჯიბრი დახურულია, მაგრამ ყოფილ საბჭოთა ქვეყანას აქვს გასაღები.
„გვსურს ჯონ ფეჰანი, აღმასრულებელი დირექტორი ან ექვსი ერის კომიტეტის ნებისმიერი წევრი, საქართველოში მოვიწვიოთ. არცერთი ჩვენგანი მას არასდროს დალაპარაკებია. ეს არის რაგბის მოედნის ღირებულება თუ ფინანსური საკითხები, ჩვენ შეგვიძლია უზრუნველყოფა“,_განაცხადა მთავარმა მწრთვნელმა, მილტონ ჰაიგმა SPORTSMAIL-თან საუბრისას.
„გვითხარით, რამდენია ღირებულება. თუ ეს წელიწადში 10 მილიონი ევროა, გვითხარით. ბოლო -ბოლო ჩვენ, შეგვეძლება ვთქვათ, აი, 10 მილიონი ევრო ან არ გვაქვს ეს თანხა. საზოგადოების, მთავრობის, ქველმოქმედების მხარდაჭერით დარწმუნებული ვარ, რომ შევძლებთ“,_ამბობს ჰაიგი.
ივანიშვილი საქართველოს ერთ-ერთ სოფელში, ღარიბ ოჯახში გაიზარდა. სკოლაში მისასვლელად 3 მილს ფეხით გადიოდა, ხოლო კარიერა ქარხნის სართულების დაგვით დაიწყო.
ის კვლავ რჩება კარჩაკეტილ პიროვნებად, მაგრამ ხშირად, 55 000 გულშემატკივართან ერთად უყურებს ლელოს. მისი ალბინოსი შვილი, ბერა, რომელიც SNOOP DOGG-თან ერთად რეპავს ნაკლებად კარჩაკეტილია.
ივანიშვილმა, რომელსაც დონალდ ტრამპზე 800 მილიონი დოლარით მეტი ქონება აქვს, 12 საწრთვნელი ბაზა ააშენა და 2011 წლის შემდეგ ეროვნული ნაკრების მხარეს დგას ექვსი ერის ტურნირის მოსაგებად.
ქვეყანაში არის რაგბისთვის განკუთვნილი არხი და კაპიტნის, მამუკა გორგოძეს სურათი თბილისში მოძრავ ყველა ავტობუსზეა გამოსახული.
„მორაგბეთა ნაკრებმა თამაში არაფრით დაიწყო. ხალხმა საკუთარი ნივთები გაყიდა, რომ კლუბები შეენარჩუნებინათ, რადგან ომის დროს ისინი საზოგადოებაზე იყვნენ ორიენტირებულები. ჩვენი ბიჭები საქართველოსთვის სისხლს დაღვრიან“,_განაცხადა ჰაიგმა.
მისივე თქმით, საქართველოს ნაკრებს შანსი უნდა მიეცეს.
„როსდესაც მე დავიწყე 2011 წელს, ადგილობრივმა სპონსორებმა ფორმებში 10 000 დოლარი გადაიხადეს, ახლა 300 000 დოლარს იხდიან. მსოფლიოში მხოლოდ 2 ქვეყანაა სადაც რაგბი ერვნულ თამაშია, ესენია ახალი ზელანდია და უელსი. საქართველო არ არის მათგან ძალიან შორს და დროა, რომ კარი გაიღოს, მოგვეცით შანსი“,_ამბობს ჰაიგი.
საქართველოს რაგბის ეროვნული ნაკრები მთლიანად ადგილობრივი მოთამაშეებისგან არის დაკომპლექტებული, რაც თანამედროვე თამაშისთვის უცნაურია. ახალგაზრდული ნაკრები ასევე წარმატებულია. წელს 20 წლამდელთა მსოფლიო ჩემპიონატს მასპინძლობენ და მწრთვნელს, ლადო კილასონიას, სურს, რომ ახალმა თაობამ რაგბის ისტორიაში, რომელიც სტალინის ეპოქით თარიღდება, ახალი თავი დაწეროს.
„1920 წლებში საფრანგეთიდან ჩამოვიდნენ წარმომადგენლები საბჭოთა კავშირში მოთამაშეების ასარჩევად. რეპრესიების დროს მოთამაშეების ნაწილი დააპატიმრეს. მათი თქმით, ეს იმიტომ მოხდა, რომ სტალინს არ მოსწონდა უინსტონ ჩერჩილი, შესაბამისად არ მოსწონდა რაგბი“,_ამბობს კილასონია.
მისივე თქმით, რთული პირობების მიუხედავად, საქართველოს რაგბის ნაკრები მაინც ვითარდება.
„რაგბის გუნდი გაქრა. 1990-იან წლებში ჩვენ ვთამაშობდით, მაგრამ არ გვქონდა დისციპლინა, რადგან ჩვენი მოთამაშეები ომისგან დაღდასმულები იყვნენ. 2001 წელს ჩვენ გვყავდა ნაკრები, რომლის მოთამაშეებიც 2 ოთახში რჩებოდნენ. მანდ არ იყო გათბობა ან წყალი, 23 კაცს მხოლოდ 3 საბანი ჰქონდა, მაგრამ ამ მძიმე პირობების მიუხედავად რუსეთის დამარცხება მაინც შევძელით და ყოველ წელს ვიზრდებით“,_ამბობს კილასონია.
მაუწყებლის ცნობით, საქართველოს მოთამაშეების უმეტესობამ თბილისის თავისუფალ სტილით მოჭიდავეთა დარბაზებში დაიწყო სიარული.
მისვე უწყებით,ქართველ რაგბისტებს აქვთ ტრადიცია, თამაშის შემდეგ დალიონ ადგილობროვი ღვინო და გაცვალონ მაისურები.
THE DAILY MAIL-ის ცნობით, თბილისის არქიტექტურის ჩამოყალიბებაში დიდი წვლილი შეიტანა სპარსელების, რუსების, არაბების შემოსევებმა, ისევე როგორც პოსტ საბჭოთა ხელისუფლებამ.
ბორჯღალოსანთა ნაკრების მწრთვნელის, ჰაიგის თქმით, რაგბის თამაში ქართველებს ფსიქიკაში აქვთ გამჯდარი.
„ეს ბიჭები მებრძოლები არიან. ისინი ათას წლეულების მანძილზე იცავდნენ ქვეყანას დამპყრობლებისგან. ჩვენი ნაკრების წევრი, გიორგი ბეგაძე, 2008 წელს სამხრეთ ოსეთში რუსეთის წინააღმდეგ იბრძოდა. რაგბი მათთვის კონტროლირებული ომია. ომი, სადაც გამარჯვების შემდეგ კარგ განწყობაზე არიან“,_ამბობს ჰაიგი.
მისივე თქმით, თუ საქართველო ექვსი ერის ჩემპიონატზე თამაშს შეძლებს ეს იქნება სიგნალი, რომ ის რუსეთის ჩრდილიდან ერთხელ და საბოლოოდ გამოვიდა.
„ძველი თაობა თამამ ოცნებაშიც კი ვერ შეძლებდა იმის გაფიქრებას, რომ საქართველოს ექვსი ერის ჩემპიონატზე თამაში შეეძლო. ეს იქნება სიგნალი, რომ საქართველო საბოლოოდ გამოვიდა მსოფლიო სცენაზე დიდი ძმის, რუსეთის ჩრდილიდან“,_ამბობს ჰაიგი.
