ამ წუთებში გურიაში “მაგთის” აბონენტების დიდ ნაწილს ინტერნეტ-ტელევიზიაზე წვდომა არ აქვს. დიდთოვლობის გამო ინტერნეტის გადამცემი ხაზები დაზიანდა და ახლა კომპანია აღდგენითი სამუშაოებით არის დაკავებული.
“გურია ნიუსი” დაინტერესდა როდის აღდგება ინტერნეტის მიწოდება სრულად და “მაგთის” პრესსმამსახურს დაუკავშირდა.
“დიდთოვლობის გამო გურიის, სამეგრელოს, აჭარის, იმერეთის და კახეთის მიმართულებით მაგთის მომხმარებლებს სერვისებზე დროებითი შეფერხება აქვთ. იქ, სადაც მუშაობა შესაძლებელია, კომპანიის თანამშრომლები საგანგებო რეჟიმში მუშაობენ და მიმდინარეობს აღდგენითი სამუშაოები. კომპენსაცია განხორციელდება ხელშეკრულების პირობების შესაბამისად”,_ გვითხრეს პრესსამსახურში.
“გურია ნიუსმა” “მაგთის” პრესსამსახურს შემდეგი კითხვებით მიმართა:
- დიდთოვლობის დროს გურიაში რამდენ ადამიანს არ მიეწოდებოდა ინტერნეტი?
- ამ დროისთვის რა კეთდება იმისთვის, რომ აბონენტებს აღუდგეს ინტერნეტთან წვდომა?
- არაერთი ადამიანი წერს სოციალურ ქსელში, რომ თქვენი ჯგუფი 27 მარტს ან 28 მარტს მივა პრობლემის აღმოსაფხვრელად?
- რა არის ამის მიზეზი?
- აპირებს თუ არა კომპანია იმ აბონენტებისთვის შეღავათების გაკეთებას, რომლებსაც 10 დღეზე მეტი არ მიეწოდებოდა თქვენი სერვისი…
დიდთოვლობის დროს დაზიანებული ხაზების აღდგენა რომ დაწყებულია ამის შესახებ “გურია ნიუსს” არაერთმა აბონენტმა უთხრა, მაგრამ… როდის დასრულდება სრული პროცესი ჯერ არ არის ცნობილი.
ავტორი
