პედაგოგი, მოძრაობა “თავისუფლებისთვის” წარმომადგენელი გურიიდან, ირმა გორდელაძე, რუსთაველზე შეკრებილ ხალხს მიმართავს:
“გურიამ გამომიშვა თქვენთან, გურიამ… მოგიტანეთ გურული ფირალების მუხტი და შემართება… საქართველოში გურიის რეგიონში რომ ბუნტი და ჯანყი ყოფილა რუსული იმპერიის და დამპყრობლების წინააღმდეგ, არც ერთ რეგიონში არ ყოფილა ისეთი. ახლა რა ჭირი გვეტაკა არ ვიცი, მაგრამ ვაცოცხლებთ ნელ–ნელა.
18 წლის გოგო ვიყავი აქ 9 აპრილის დღეებში რომ ვიდექი, ყურში ჩამესმის მერაბ კოსტავას და ზვიად გამსახურდიას სიტყვები, ექვთიმე თაყაიშვილის სოფლიდან ვარ, მიშრომია, მიღვაწია თავისუფლებისთვის და რა? – დღე ის მოცემულობა გვაქვს რომ ქართულმა ოცნებამ გაგვიჩალიჩა ევროკავშირის ოცნება, ვერ შევალთ, თუ არ დავდექით მაგრად და არ გავერთიანდით. რა ვითმინეთ მთელი ეს წლები? – ვითმინეთ საზოგადოების დაყოფა ნაცებად, ქოცებად, იმებად, ამეებად – იყო ასე? ქვეყანაში სიძულვილის ენა იყო? დაგვაჭმიეს ერთმანეთი? დაცარიელებული სოფლებია, ხალხო, საქართველოში, მილიონი ემიგრანტია გაქცეული, მათი გამოგზავნილი, ევროპულიდან გამოგზავნილი ფულით არ არჩენენ ოჯახებს? საქართველო უმდიდრესია ბუნებრივი რესურსებით, ჩვენ გვხმარდება? რეგიონები ისევე ღარიბია. რამდენს გაგთენებიათ ფიქრში, ბანკის ვალი მაქვს ხვალო? რამდენს შია და რამდენი მომკვდარა იმის გამო, რომ ვერ იმკურნალა? – და ეს ყველაფერი ჩვენ ვითმინეთ ეს წლები. ვითმინეთ პარლამენტში მოჭიკჭიკე ჩიტები.
გეკითხებით ერთ რაღაცას – როდესაც ქართველი ერი ვართ ასეთი ჭკვიანი და ნიჭიერი, რატომ გვყავს ამდენი აბდალა პარლამენტში? რატომაა ჩემი ქვეყნის სახე ირაკლი ღარიბაშვილი? არც ერთი არ ამირჩევია მე. ასჯერ რომ მოგვატყუე ბატონო პრემიერო, დღეს ბრიფინგზე რაც თქვი, რატომ დაგიჯერო?
ეს ყველაფერი ვითმინეთ, ხომ? რუსული საცეცები, რუსული პროპაგანდა ყველგან, ალტ–ინფოს ოფისები. იმ 12 მოთხოვნას, რომელიც აქვს ევროკომიას, მე დავამატებდი მე–13 მოთხოვნას, აიკრძალოს ალტ–ინფო და გაუქმდეს ეს ფაშისტური პარტია. არ გააკეთებენ ამას და მიყობიან უკან.
მე ვარ პედაგოგი, ვასწავლი ისტორიას და სამოქალაქო განათლებას, 27 წელია მუხლჩაუხრელი ვშრომობ და მომავალ თაობას ვასწავლი პატრიოტიზმს, ადამიანის უფლებებს, სიყვარულს და ოთხი თვეა ქუჩაში ვარ, იმიტომ რომ ვიცი, რუსი ოკუპანტია, მძულს, მძულს!
მაგრამ ისიც ვიცი, ოკუპანტის გაზრდული შენი თანამემამულე უფრო საშიშია. მე უკან დასახევი გზა არა მაქვს, ყველაფერი სასწორზე დავდე, იმ ჯიშის და ჯილაგის ვარ, არ მეშინია, რას ვითხოვ არაკანონიერს? სუსი მე და ჩემ მეგობრებს რომ დაგვსვდევს, ქვეყნის უსაფრთხოებას მიხედოს.
ყველაფერს ვერ ჩამოვთვლი ახლა რა მოვითმინეთ ეს წლები – მთავარი – თაობები შეეწირა ევროინტეგრაციას, არ გვაპატიებენ მათი სულები, რომ დღეს ჩვენ ჩავაფხაოთ. თუ რამის გამკეთებელი იყო, 5 დღე იყო შუალედი, რომ გამევიდნენ 3 დღის წინ და გაგვისწრია გერმანიიზა, გაგვისწრია ნორვეგიიზა, ტეტა, ტეტა, რა იაბდლენ… ხოდა, ყველაფერიზა გაგვისწრია, თურმე და დღეს თანახმა ვარ, შევასრულო მოთხოვნები, მარა სასამართლო კაი მაქვსო, ოლიგარქი არ გვყავსო, ვაიმე, რა ვქნათ, ხალხო, სანამდე ევიტანოთ, გეკითხებით.
ვხედავ ბევრ ახალგაზრდას, სტუდენტებს, მეტროთი მოვედით ერთად, გავიფიქრე, თურმე ტყუილად არ ვწვალობთ, ტყუილად არ გვიშრომია, დაინახოს შინაურმა და გარეულმა მტერმაც, რომ ქართველი ერის დამონება შეუძლებელია.
მეცოდება საჯარო მოხელეები, დიდი შიშის ქვეშ არიან, ხალხო, გამოდით, შემოგვიერთდით, ნუ გეშინიათ.
მივმართავ პარლამენტარებს, რომ გვასკინტლავენ მისი ჭკუით თავზე, ყველა გამოსვლის დროს, ქართელი ერი ბრძენია, ყველა ხვდება ვინც ხართ თქვენ, ჩაიხედეთ თქვენ გულებში და თქვენ შვილებს ჩახედეთ თვალებში, თუ ხართ მართალი – ყველაფერი ფულზე იყიდება? 2 შაურად ფოთის პოლიცმეისტერი ჩეიხდის, თურმე? ქართველები არ ვიყიდებით არ არის ეს ბიძინა ივანიშვილის ქარვასლა.
ქართველი ერი არის ჭკვიანი, გონიერი და როცა მნიშვნელოვანი საკითხია, თვითგადარჩენის ინსტიქტია.
რა ვქნათ? გეკითხებით? გამოცხადდება აქ რაც უნდა ვქნათ და იმ პათოსს უერთდება ჩემი მოძრაობა გურიიდან, სამოქალაქო მოძრაობა “თავისუფლებისათვის.”
ეცდებიან მუხტი დააგდონ, დაგვშალონ, დაგვაპირისპირონ, დრო გაიყვანონ და სათითაოდ მოგვსდგნენ, ამიტომ მოვთხოვოთ, 12 პუნქტი ევროკავშირის და მე–13 მე მივამატე ალტ–ინფოს გაუქმება. დაიწყონ ამაზე მუშაობა, თუ არ დაიწყებენ, დაიწყება ერთიანი სახალხო ფრონტი საქართველოს მასშტაბით.
გაუმარჯოს თავისუფალ, მოუსყიდველ, გონიერ საქართველოს, ვიყოთ ერთად და გავიმარჯვებთ.”
წყარო: ალია
