დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ოზურგეთის ფოლკლორის ცენტრში შეხვედრა გამართა. შეხვედრას სკოლებისა და ბაღების პედაგოგები, ასევე, ა(ა)იპ-ების წარმომადგენლები და საზოგადოების სხვა წევრები ესწრებოდნენ.
გამყრელიძის განცხადებით, ქვეყნის მასშტაბით სამოდელო მუნიციპალიტეტებად გურჯაანი და ოზურგეთი შეარჩიეს.
გამყრელიძემ მადლობა გადაუხადა რესურსცენტრისა და სკოლამდელი აღზრდის დაწესებულებების გაერთიანებას ვაქცინაციის მაღალი მაჩვენებლისთვის და უსაფრხო გარემოს შექმნისთვის. დღევანდელ შეხვედრაზე 4 საჯარო სკოლისა და 7 საბავშვო ბაღის ხელმძღვანელი სპეციალური სიგელებით დააჯილდოვა.
ოზურგეთის მუნიციპალიტეტში დაავადებათა კონტროლის ეროვნული ცენტრის ხელმძღვანელი ამირან გამყრელიძე იმყოფება. ის ორი დღის განმავლობაში სხვადასხვა უწყების წარმომადგენლებს შეხვდება.
ამირან გამყრელიძის ღონისძიების ერთი ნაწილი ქალაქ ოზურგეთის ფოლკლორის ცენტრში შედგა, სადაც სკოლების და ბაღების პედაგოგ-მასწავლებლები იმყოფებოდნენ.
ამირან გამყრელიძე თავისი სიტყვის გამოსვლის დროს აღნიშნა, რომ ოზურგეთის და გურჯაანის მუნიციპალიტეტებში სამოდელო პროგრამას ახორციელებენ, რადგან, რაც შეიძლება მეტი ადამიანი აიცრა კორონავირუსის საწინააღმდეგო ვაქცინით.
“ოზურგეთი და გურჯაანი დავასახელეთ ერთ–ერთ სამოდელო მუნიციპალიტეტად, სადაც გვინდა, საერთო ძალისხმევით, მივაღწიოთ მოსახლეობის მაქსიმალურ მოცვას. ზოგადად, გურიაში თბილისის, რაჭა–ლეჩხუმის და აჭარის შემდეგ საშუალო მოცვა მეტია, ვიდრე ქვეყნის საშუალო, აცრების მოცვას ვგულისხმობ. ოზურგეთში და აღმოსავლეთ საქართველოში შევარჩიეთ გურჯაანი, ორივეგან ახლადარჩეული მერები ჯანდაცვის სისტემაში ფრიად გამოცდილები არიან და ვთხოვე, რომ მაქსიმალური ძალისხმევა გამოიჩინონ.
დღეს ამ მიზნით ჩამოსული ვართ ოზურგეთში, შევხვდით საკრებულოს წევრებს, სოფლების რწმუნებულებს და მერიის თანამშრომლებს, ძალიან სასიამოვნო შეხვედრა იყო. შეხვედრა ფოლკლორის სახლში შედგა და მადლობას ვუხდი იმ ხალხს, ვინც ეს დააფუძნა და მადლობა, რომ ამ სახლს აქვს ერთ–ერთი გამორჩეული ქართველის სახელი,“ _ განაცხადა ამირან გამყრელიძემ.
ღონისძიებაზე ასევე სიტყვით გამოვიდა ოზურგეთის მუნიციპალიტეტის მერი ავთანდილ თალაკვაძე, რომელმაც აღნიშნა, რომ აქტიურად ჩაერთვებიან აცრის კამპანიაში ადგილობრივი მთავრობის წარმომადგენლები.
შეხვედრის დასასრულს, ამირან გამყრელიძემ და ავთანდილ თალაკვაძემ ოთხი საბავშვო ბაღის მენეჯერებს და 7 სკოლის დირექტორებს სამადლობელი სიგელი გადასცა.
წამახალისებელი დიპლომები გადაეცათ შრომის #1 საბავშვო ბაღს, დაბა ნარუჯის საბავშვო ბაღს, თხინვალის საბავშვო ბაღს, მერიის საბავშვო ბაღს, #1 საჯარო სკოლას, #2 საჯარო სკოლას, ქვედა ბახვის საჯარო სკოლას, ნაგომრის საჯარო სკოლას, ციხისფერდის საჯარო სკოლას, მაკვანეთის საჯარო სკოლას და ძიმითის საჯარო სკოლას.
როგორც შეხვედრაზე ითქვა ზემოთ დასახალებული ოთხი საბავშვო ბაღის კოლექტივი 100/-ით არის აცრილი ხოლო, შვიდ საჯარო სკოლაში 90-ით არიან აცრილები.
ამირან გამყრელიძემ მოუწოდა სკოლის და საბავშვო ბაღის წარმომადგენლებს, რომ კორონავირუსზე აცრა აუცილებელია.
“მხოლოდ საბავშვო ბაღის და საჯარო სკოლების კოლექტივისთვის არ ეხება ჩემი თხოვნა. აუცილებელია, აიცრან ბავშვების ოჯახის წევრებმა, თუ ყველა ავიცრებით, ამით ჩვენ აუცილებლად დავამარცხებთ კორონავირუსს“,- თქვა ამირან გამყრელიძემ.
[sexy_author_bio]
