მორიელი ყოველთვის მზადაა დასახმარებლად. იგი ერთგულია და სხვებისგანაც იმავეს მოელის. თუ გჭირდებათ მეგობარი, რომელიც არამხოლოდ რჩევით დაგეხმარებათ, არამედ საიდუმლოსაც საიმედოდ შეგინახავთ, მიმართეთ მორიელს. ეს ადამიანი ყოველთვის შუბლში გესვრით სიმართლეს, რამდენად მწარეც არ უნდა იყოს იგი. თუმცა, ნუ გაუნაწყენდებით ამის გამო.
მორიელი ვერ იტანს ჭორებს და არასდროს ჭორავს გარშემომყოფებს. რაც მთავარია, იგი მზადაა, მეგობარი ნებისმიერ სიტუაციაში დაიცვას.
მორიელის მთავარი თვისება ისაა, რომ პირველივე თქმაზე წამოხტება და გამოგყვებათ. თუ აქვს მეგობრებთან შეხვედრის შანსი, მას ხელიდან არ გაუშვებს. ამ ნიშნის წარმომადგენლები ნამდვილი რეივერები არიან.
ასევე, მორიელი დაუჯერებლად ქარიზმატულია და მეგობრებს მოწყენის საშუალებას არ აძლევს. თუ გჭირდებათ ადამიანი, რომელიც სამეგობრო წრის მთავარი წევრი იქნება, თამამად მოიწვიეთ მორიელი. იგი სასაცილოდაც იხუმრებს და ცეკვითაც ყველას გააკვირვებს.
მორიელი პერფექციონისტიცაა. იგი ბეჯითია და ყოველთვის მიილტვის სრულყოფილებისკენ. ეს ადამიანები დიდ მიზნებს ისახავენ და მუდმივად ამტკიცებენ, რომ ამ ცხოვრებაში ძვირად ფასობენ. საქმისთვის შექება მას მოდუნების საბაბად არ მიაჩნია, პირიქით, წარმატებისთვის მოტივაციას მისცემს. მორიელი შრომისმოყვარეა. თუ მას რამის გაკეთებას სთხოვთ, ამას უმაღლესი ხარისხით შეასრულებს.
ასეთ აქტიურ ნიშანსაც კი სჭირდება დროის მარტო გატარება. თუ იგი არ გირეკავთ, ესე იგი, ისვენებს ყველასა და ყველაფრისგან. ამ ნიშნის ადამიანები ხანდახან უპირატესობას ანიჭებენ საღამოს გატარებას წიგნთან ან სერიალთან ერთად. ეს ცუდი სულაც არაა – მორიელი მეგობრებსაც აძლევს საშუალებას, მისგან დაისვენონ. იგი არავის ეჯაჭვება.
მორიელს კარგად განვითარებული ინტუიცია და დამკვირვებლობა აქვს. თუ მის მოტყუებას ეცდებით, დიდი ალბათობით, არაფერიც არ გამოგივათ. მას აქვს შურისძიების თვისება, ამიტომ ნუ აწყენინებთ. მითუმეტეს, თუ ამას რომელიმე მეგობარი გააკეთებს.
თუ მორიელი მეგობარი გყავთ, გირჩევთ, სათანადოდ დააფასოთ. ხოლო თუ არ გყავთ, დროა, იპოვოთ. ხშირად, ესაა რთული ადამიანი, თუმცა მის გარეშე ამ ცხოვრებაში ნამდვილად ვერაფერს გახდებით.
ავტორი
