თურქეთის პრეზიდენტმა რეჯეფ ტაიპ ერდოღანმა რუსეთის პრეზიდენტ ვლადიმერ პუტინთან სატელეფონო საუბრისას ისრაელსა და პალესტინელ სამხედროებს შორის მიმდინარე სამხედრო კონფლიქტი განიხილა და კრემლის ლიდერს განუცხადა, რომ ისრაელს საერთაშორისო საზოგადოებამ “მკაცრი მაგალითი” უნდა აჩვენოს. აღნიშნულ საკითხთან დაკავშირებით თურქეთის პრეზიდენტი FACEBOOK -ზე დაწერა.
როგორც თურქეთის პრეზიდენტის განცხადებაში წერია, ერდოღანმა პუტინს ისრაელში გაეროს ფორმატით საერთაშორისო უსაფრთხოების ძალების გაგზავნის მოსაზრებაც გაუზიარა.
,,სატელეფონო საუბარი გვქონდა რუსეთის პრეზიდენტ ვლადიმერ პუტინთან.
შეხვედრაზე განვიხილეთ პალესტინაში განვითარებული მოვლენები და თურქეთისთვის სპუტნიკის ვაქცინის მიწოდება.
მტკიცებით, რომ ჩვენ ვაჩვენეთ ჩვენი უმკაცრესი რეაქცია, როგორც თურქეთი ისრაელის იერუსალიმში, ღაზაში, აქსას მეჩეთზე და პალესტინელებზე, და გამოვთქვი, რომ საერთაშორისო თანამეგობრობამ ისრაელსაც უნდა ასწავლოს ძლიერი და შემაკავებელი გაკვეთილი, და ბოლომდე ვაგრძელებთ ძალისხმევას ყველა დონე.
მე აღვნიშნე, რომ რუსეთის საგარეო საქმეთა სამინისტროს განცხადება ვნახე, რომელიც მიუთითებს გაეროს პარამეტრებს და ორ სახელმწიფოებრივი გადაწყვეტილების შესახებ, მე აღვნიშნე რომ თურქეთისა და რუსეთის შეთანხმება იერუსალიმში განვითარებულ მოვლენებზე მნიშვნელოვანი გზავნილია.
ხაზგასმით აღვნიშნე, რომ გაეროს უშიშროების საბჭო უნდა ჩაერიოს, სანამ კრიზისი კიდევ უფრო გაღრმავდება და საბჭომ უნდა დააფიქსიროს მკაფიო პოზიცია ისრაელის მიერ თავდასხმების შეწყვეტასთან დაკავშირებით.
მე დავაფიქსირე, რომ რეგიონში საერთაშორისო დაცვის ძალის გაგზავნის იდეა უნდა მუშაობდეს პალესტინელი სამოქალაქო პირების დაცვაზე, მე ვთქვი, რომ თურქეთი და რუსეთი მჭიდროდ ითანამშრომლებენ გაეროში ყველა ამ საკითხზე.“ – წერია ერდოღანის განცხადებაში.
ცნობისთვის, ისრაელის შეიარაღებულ ძალებსა და პალესტინელ სამხედროებს შორის ორმხრივი ცეცხლი მესამე დღეა არ წყდება, ისლამისტურმა დაჯგუფებამ, ჰამასმა 11 მაისს ისრაელის ქალაქ თელ-ავივის მიმართულებით 130 სარაკეტო თავდასხმა განახორციელა – ისრაელის თავდაცვის ძალების ცნობით, მათი მიმართულებით პალესტინელმა სამხედროებმა სამ დღეში 1000-მდე სარაკეტო გასროლა განახორციელეს.
თელ-ავივის დაბომბვამდე რამდენიმე საათით ადრე ისრაელის სამხედრო ძალებმა ღაზის სექტორის დაბომბვისას საცხოვრებელი შენობა სარაკეტო თავდასხმით გაანადგურეს, ისლამისტურმა დაჯგუფებამ თავდასხმისთანავე გაავრცელა მუქარა, რომ საპასუხოდ ისრაელის დედაქალაქს დაბომბავდა.
სამხედრო შეტაკებების განახლებას პალესტინელებსა და ისრაელის სამართალდამცველებს შორის მრავალსაათიანი დაპირისპირება უსწრებდა წინ. განსაკუთრებით მწვავე შეტაკებები მოხდა ალ-აკსას მეჩეთში, რომელიც ებრაელებისა და მუსლიმებისთვის საზიარო წმინდა ადგილია.
ჰამასმა ისრაელს სამართალდამცველების ადგილიდან გაყვანის ულტიმატუმი წაუყენა, სამხედრო კონფლიქტი კი ისრაელის მხრიდან ულტიმატუმის შეუსრულებლობის შემდეგ განახლდა.
