აშშ-მა და ერაყმა ამერიკული ჯარის გაყვანის თარიღზე შეთანხმებას მიაღწიეს. ინფორმაციას Reuters-ი საკუთარ წყაროებზე დაყრდნობით ავრცელებს.
გავრცელებული ინფორმაიციით, ამერიკა საკუთარი კონტინგენტის პირველ ნაწილს ერაყიდან 2025 წელს გაიყვანს, ხოლო მეორეს – 2026 წელს. გეგმა შეთანხმებულია და ის ორივე მხარის საბოლოო დამტკიცებასა და თარიღის გამოცხადებას საჭიროებს.
”ჩვენ გვაქვს შეთანხმება, ახლა მხოლოდ საკითხია, როდის უნდა გამოვაცხადოთ იგი”, – თქვა ამერიკელმა მაღალჩინოსანმა.
აშშ და ერაყი ასევე ცდილობენ დაამყარონ ახალი საკონსულტაციო ურთიერთობები, რომლითაც შესაძლოა ზოგიერთი ამერიკელი ჯარისკაცი დარჩეს ერაყში გაყვანის შემდეგ.
_ოფიციალური განცხადება თავდაპირველად დაგეგმილი იყო კვირების წინ, მაგრამ გადაიდო ღაზაში ისრაელის ომთან დაკავშირებული რეგიონული ესკალაციის გამო და დარჩენილი დეტალების გასარკვევად, _აცხადებენ წყაროები.
