,,აშშ გეგმავს რუსულ ბანკებთან კავშირის გაწყვეტას, თუ რუსეთი უკრაინაში შეიჭრება“,_ ამის შესახებ ინფორმაციას Reutersსაქმესთან ახლოს მყოფმა სამმა ანონიმურ წყაროზე დაყრდნობით ავრცელებს.
გამოცემის ინფორმაციით, აშშ-ს პრეზიდენტის, ჯო ბაიდენის ადმინისტრაციამ მოამზადა სანქციების სია, რომელშიც შედის აშშ-ს ფინანსური ინსტიტუციების მიერ რუსეთის მთავარი ბანკებისთვის ტრანზაქციების დამუშავების შეწყვეტა.
Reuters აღნიშნავს, რომ სანქციები, მხოლოდ რუსეთის უკრაინაში შეჭრის შემთხვევაში ამოქმედდება, რომლის მთავარი მიზანია, რუსეთის ეკონომიკის დაზიანება, საერთაშორისო გადარიცხვების უზრუნველმყოფი ამერიკული ბანკებისა და რუსულ ბანკებს შორის საბანკო ურთიერთობის გაწყვეტით.
Reuters-ის წყაროს ინფორმაციით, აშშ-ს შედგენილი აქვს სპეციალური სტატუსის მქონე პირთა და კომპანიების სიაც (SDN), რომელში მყოფებსაც არ შეეძლებათ ამერიკელებთან ვაჭრობა, გაეყინებათ აშშ-ში არსებული აქტივები და გაირიცხებიან ამერიკული საბანკო სისტემიდან.
აღნიშნულთან დაკავშირებით თქვეს თეთრ სახლსა და აშშ-ს სახელმწიფო ხაზინაში კომენტარზე უარი განაცხადეს.
როგორც Reuters წერს, წყაროებისთვის უცნობია სანქციების ზუსტი სამიზნეები, თუმცა ფიქრობენ, რომ მათში შესაძლოა მოხვდნენ ისეთი რუსული საფინანსო ორგანოები, როგორებიცაა VTB ბანკი, სბერბანკი, საინვესტიციო კომპანია VEB-ი და გაზპრომბანკი.
Reuters-თან ექსპერტებმა აღნიშნეს, რომ ბანკებთან საფინანსო ურთიერთობის გაწყვეტას ისეთივე მტკიცე ეფექტი არ ექნება, როგორც SDN-ის სანქციებს, თუმცა ამ მეთოდით რუსულ ბანკებს მაინც დიდი ზარალი მიადგებათ, რადგან გაუჭირდებათ ტრანზაქციების დოლარის ვალუტაში შესრულება. მსოფლიო ვაჭრობის ტრანზაქციების დიდი ნაწილი სწორედ დოლარის მეშვეობით სრულდება.
Reuters-თან წყაროებს არ უთქვამთ, შესაძლოა თუ არა რუსული ბანკების SDN-ის სიაში მოხვედრა, თუმცა მათ ამერიკულ კომპანიებთან საფინანსო ურთიერთობის გაწყვეტაც აზარალებთ.
ცნობისთვის, რუსული VTB ბანკი, საქართველოშიც ოპერირებს.
[sexy_author_bio]
