შინაგან საქმეთა სამინისტროს მონაცემებით, გურიაში, 2024 წლის იანვრიდან 15 აპრილამდე პერიოდში 32 335 ვიდეოჯარიმა გამოიწერა. გამოწერილი ვიდეოჯარიმებიდან ჩოხატაურში 151 ვიდეოჯარიმაა დაწერილი.
სტატისტიკის თანახმად, 151-ვე ვიდეოჯარიმა ადმინისტრაციული სამართალდარღვევათა კოდექსის 118-ე მუხლის მე-2, მე-3, მე-4 და მე-5 ნაწილების დარღვევის გამო გამოიწერა. დაჯარიმებულ პირებს შორის როგორც ფიზიკური, ასევე იურიდიული პირები არიან.
სტატისტიკის თანახმად, ადმინისტრაციული სამართალდარღვევათა კოდექსის 118-ე მუხლის მე-2 ნაწილით, რაც გულისხმობს, იმ ავტოსატრანსპორტო საშუალების სხვა პირისთვის სამართავად გადაცემა/საექსპლუატაციოდ გადაცემა/საექსპლუატაციოდ დაშვება, რომელსაც საქართველოს კანონმდებლობით დადგენილი წესით არ გაუვლია პერიოდული ტექნიკური ინსპექტირება, – გამოიწვევს ფიზიკური პირის დაჯარიმებას 50 ლარის ოდენობით, ხოლო იურიდიული პირის დაჯარიმებას – 200 ლარის ოდენობით, 6 იურიდიული და 85 ფიზიკური პირი დაჯარიმდა.
118-ე მუხლის მე-3 ნაწილით, რაც გულისხმობს, ამ მუხლის პირველი ან მე-2 ნაწილით გათვალისწინებული ადმინისტრაციული სამართალდარღვევის ჩადენისთვის ადმინისტრაციულსახდელდადებული პირის მიერ ამ მუხლის პირველი ან მე-2 ნაწილით განსაზღვრული ქმედების ჩადენა, თუ ამ დროს მისთვის ამ მუხლის პირველი ან მე-2 ნაწილით გათვალისწინებული ადმინისტრაციული სახდელის დადებიდან 30 დღეა გასული, – გამოიწვევს ფიზიკური პირის დაჯარიმებას 150 ლარის ოდენობით, ხოლო იურიდიული პირის დაჯარიმებას – 300 ლარის ოდენობით, 3 იურიდიული და 29 ფიზიკური პირი დაჯარიმდა.
118-ე მუხლის მე-4 ნაწილით, რას გულისხმობს, ამ მუხლის მე-3 ნაწილით გათვალისწინებული ადმინისტრაციული სამართალდარღვევის ჩადენისთვის ადმინისტრაციულსახდელდადებული პირის მიერ ამ მუხლის პირველი ან მე-2 ნაწილით განსაზღვრული ქმედების ჩადენა, თუ ამ დროს მისთვის ამ მუხლის მე-3 ნაწილით გათვალისწინებული ადმინისტრაციული სახდელის დადებიდან 30 დღეა გასული, – გამოიწვევს ფიზიკური პირის დაჯარიმებას 300 ლარის ოდენობით, ხოლო იურიდიული პირის დაჯარიმებას – 500 ლარის ოდენობით, 14 ფიზიკური პირი დაჯარიმდა.
118-ე მუხლის მე-5 ნაწილით კი, რაც გულისხმობს ამ ნაწილით ან ამ მუხლის მე-4 ნაწილით გათვალისწინებული ადმინისტრაციული სამართალდარღვევის ჩადენისთვის ადმინისტრაციულსახდელდადებული პირის მიერ ამ მუხლის პირველი ან მე-2 ნაწილით განსაზღვრული ქმედების ჩადენა, თუ ამ დროს მისთვის ბოლოს დადებული, ამ ნაწილით ან ამ მუხლის მე-4 ნაწილით გათვალისწინებული ადმინისტრაციული სახდელის დადებიდან 30 დღეა გასული, – გამოიწვევს ფიზიკური პირის დაჯარიმებას 500 ლარის ოდენობით, ხოლო იურიდიული პირის დაჯარიმებას − 700 ლარის ოდენობით, 2 იურიდიული და 12 ფიზიკური პირი დაჯარიმდა.
