უკრაინის პრეზიდენტის ადმინისტრაციის გავრცელებული ინფორმაციით, გაეროში უკრაინის მუდმივ წარმომადგენლობაში პრეზიდენტი ვოლოდიმირ ზელენსკი საფრანგეთის პრეზიდენტს, ემანუელ მაკრონს შეხვდა.
გავრცელებული ინფორმაციით, ლიდერებმა ევროპის ქვეყნების წინააღმდეგ რუსეთის მხრიდან ვითარების ესკალაცია და პოლონეთში, რუმინეთსა და დანიაში დრონების, ასევე ესტონეთში გამანადგურებლების ჩამორთმევის შემთხვევები განიხილეს.
გარდა ამისა, მათ უკრაინის საჰაერო თავდაცვის გაძლიერების აუცილებლობაზე ისაუბრეს. ვოლოდიმირ ზელენსკიმ ხაზი გაუსვა, რომ ზამთრის წინ რუსეთის მიერ დაბომბვების ზრდის ფონზე, მნიშვნელოვანია, რომ ნაბიჯები სწრაფად გადაიდგას.
უკრაინის და საფრანგეთისპრეზიდენტებმა რუსეთის წინააღმდეგ სანქციების შემდგომი გამკაცრება განიხილეს, კერძოდ, ჩრდილოვანი ტანკერების ფლოტის მიმართ. ლიდერებმა განსაკუთრებული ყურადღება გაამახვილეს გაყინული რუსული აქტივების უკრაინის სასარგებლოდ გამოყენებაზე. ვოლოდიმირ ზელენსკიმ და ემანუელ მაკრონმა კონკრეტულ ინსტრუმენტებზე ისაუბრეს, რომლებიც ამის განხორციელებას შესაძლებელს გახდის.
