“როდემდე უნდა ვიტანდეთ ამას პოლიციიდან? _ პრეზიდენტის ქალიშვილი ვიდეოს ავრცელებს

საქართველოს პრეზიდენტის ქალიშვილის ანა მარგველაშვილის ინფორმაციით, სამართალდამცველებმა მის მეგობარს ნარკოტიკი ჩაუდეს.

ამის შესახებ მარგველაშვილი ფეისბუქის საკუთარ გვერდზე წერს და ვიდეო მასალასაც ავრცელებს, რომელიც მისივე ინფორმაციით მისი მეგობრის დაკავებამდეა ჩაწერილი:

“ჩემს მეგობარს, მიხეილ თათარიშვილს ჩაუდეს 18 აბი სუბოტექსი სურამის გზატკეცილზე ყველანაირი ახსნის გარეშე!! ვავრცელებ ვიდეოს, რომელიც არის გადაღებული ჩადებამდე 2 დღით ადრე, სადაც ჩანს, რომ ის ფლობდა ინფორმაციას მისთვის სავარაუდო ჩადების შესახებ!

როდემდე უნდა ვიტანდეთ მსგავს საქციელს პოლიციის მხრიდან?” _ წერს მარგველაშვილი.