უკრაინის თავდაცვის სამინისტროს დაზვერვის მთავარი სამმართველოს ხელმძღვანელმა, კირილო ბუდანოვმა განაცხადა, რომ ყირიმის (ქერჩინის) ხიდი “შეწყვეტს არსებობას“, როდესაც უკრაინა ყირიმს დააბრუნებს. ამის შესახებ დაზვერვის ხელმძღვანელმა უკრაინულ გამოცემა „პრავდასთან“ ინტერვიუში ისაუბრა.
„ყირიმის ხიდი არის სიმბოლო, რომელიც განადგურდება, როდესაც ყირიმი დაბრუნდება, ეს ხიდი არსებობას შეწყვეტს. ეს სატრანსპორტო არტერია რეალურად არავის სჭირდება“, – განაცხადა ბუდანოვმა.
მან ასევე კომენტარი გააკეთა ხიდზე ბოლო დროს მომხდარ აფეთქებაზეც .
„მხოლოდ ის შემიძლია ვთქვა, რომ ყირიმის ხიდი ძლიერ დაზიანდა. ეს ხიდი „რუსული სამყაროს“ ერთ–ერთი სიმბოლოა. კრეისერი “მოსკოვი” ფსკერზე წავიდა, ფაქტობრივად, ასევე ყირიმის ხიდიც. ეს ყველაფერი იმის მანიშნებელია, რომ ამ რეჟიმს დიდი დრო არ აქვს დარჩენილი“, – განაცხადა GUR-ს ხელმძღვანელმა.
რუსეთის FSB- ს განცხადებით ბუდანოვი პირადად დგას ქერჩის ხიდზე აფეთქების ორგანიზების უკან, GUR-ის უფროსმა თქვა, რომ იგი “მთლად სერიოზულად არ არის” განწყობილი.
8 ოქტომბერს, ქერჩის ხიდზე აფეთქებას მოჰყვა ხანძარი, რომელიც ოკუპირებულ ყირიმს რუსეთის ტერიტორიასთან აკავშირებს. რუსი გამომძიებლების ინფორმაციით, ხიდზე სატვირთო მანქანა ააფეთქეს, რამაც ავტომაგისტრალის ორი ღერძის ჩამონგრევა და ხიდის რკინიგზის ნაწილზე ძლიერი ხანძარი გამოიწვია. თავდაპირველად გავრცელდა ინფორმაცია, რომ დაიღუპა სამი ადამიანი, მოგვიანებით გავრცელდა ინფორმაცია აფეთქების მეოთხე მსხვერპლის შესახებაც.
რუსეთის პრეზიდენტმა ვლადიმერ პუტინმა, რუსეთის ფედერაციის საგამოძიებო კომიტეტის გამოძიებაზე დაყრდნობით, ქერჩის ხიდზე მომხდარ აფეთქებას “ტერორისტული თავდასხმა” უწოდა და უკრაინის სპეცსამსახურებს დაადანაშაულა.
უკრაინის მთავარი სადაზვერვო სამმართველოს სპიკერმა ანდრეი იუსოვმა ქერჩის ხიდზე მომხდარ აფეთქებასთან დაკავშირებით რუსეთის გამოძიებას სისულელე უწოდა .
უკრაინის პრეზიდენტის აპარატის უფროსის მრჩეველმა მიხაილო პოდოლიაკმა განაცხადა, რომ „პუტინის პირადი პროექტი“ ძირს უთხრის თვით რუსების საქმეს, სამხედრო ხელმძღვანელობის მიერ რუსეთის FSB-ზე თავდასხმა.
უკრაინის პრეზიდენტმა ვოლოდიმირ ზელენსკიმ უარყო ვარაუდი, რომ ქერჩის (ყირიმის) ხიდზე აფეთქების უკან უკრაინული სპეცსამსახურები დგანან.
„რაც ვიცი, ნამდვილად არ გაგვიცია ბრძანება. მათ (რუსეთში) სერიოზული შიდა დაპირისპირებული ურთიერთობა აქვთ სამხედროებსა და მათ სპეცსამსახურებს, დაზვერვას შორის. ძალაუფლების მრავალი ვერტიკალია. დიდი სისტემაა. საბჭოთა კავშირში ეს იყო კგბ. დღეს ის შედგება რამდენიმე ფილიალისგან, რომლებიც გამუდმებით წყვეტენ რომელი მათგანია მთავარი“, – განაცხადა ზელენსკიმ კანადურ ტელეარხ CTV News- თან ინტერვიუში.
ავტორი
