BBC-ის ინფორმაციით, კრემლი მასობრივ საპროტესტო აქციებს ეხმაურება.
პრეზიდენტის წარმომადგენლის, დიმიტრი პესკოვის განცხადებით, ახალგაზრდებს აქციებზე მისასვლელად თანხა გადაუხადეს.
„ის, რაც რამდენიმე ადგილას ვნახეთ, განსაკუთრებით კი მოსკოვში პროვოკაციაა და ტყუილი. ახალგაზრდებს ფინანსურ ჯილდოებს დაპირდნენ იმ შემთხვევაში, თუ მათ სამართალდამცავები დააპატიმრებდნენ“,_ამბობს პესკოვი.
მისივე თქმით, ორშაბათს ევროკავშირიდან მაღალი თანამდებობების პირებმა დარეკეს და დაკავებულების დაუყონებლივ გათავისუფლება მოითხოვეს.
როგორც ევროკავშირის წარმომადგენელმა გაცხადა, რუსეთის პოლიციის ქმედებებმა ხელი შეუშალა გამოხატვის თავისუფლებას, მშვიდობიან შეკრებას, რაც რუსეთის კონსტიტუციის ფუნდამენტური უფლებები ითვალისწინებს.
„მოვუწოდებთ რუსეთის ხელისუფლებას დაიცვან საერთაშორისო ვალდებულებები და დაუყონებლივ გაათავისუფლონ მშვიდობიანი მომიტინგეები“,_ნათქვამია განცხადებაში.
რუსეთში მომიტინგეების დაკავებას ამერიკის შეერთებულ შტატებშიც გამოეხმაურნენ.
„რუსი ხალხი, ისევე როგორც სხვა ქვეყნების მოსახლეობები, იმსახურებენ ხელისუფლებას, რომელიც მხარს უჭერს აზრის ღიად გამოხატვას, გამჭვირვალე და ანგარიშვალდებულ მმართველობას,კანონის შესაბამისად მოპყრობას და მათი უფლებების გამოყენებას ანგარიშსწორების შიშის გარეშე,“_ნათქვამია ამერიკის შეერთებული შტატების დეპარტამენტის სპიკერის, მარკ ტონერის განცხადებაში.
როგორც ცნობილია, რუსეთში გამართულ საპროტესტო აქციებზე ასობით მომიტინგესთან ერთად ოპოზიციონერი ლიდერი, ნავალნი დააკავეს.
„საპროტესტო აქციების მთავარი ორგანიზატორი, დიმიტრი მედვედევია, რადგან მისი კორუმპირებული საქმიანობის შედეგად რუსეთის 99 ქალაქის ქუჩებში ადამიანები გამოვიდნენ“,_წერს ნავალნი სოციალურ ქსელ ტვიტერში.
ამავე თემაზე:
