საერთაშორისო რესპუბლიკური ინსტიტუტი (IRI) ახალ კვლევაში დაინტერესდა, რა დამოკიდებულება აქვთ ამა თუ იმ პოლიტიკოსების მიმართ მოქალაქეებს.
რეიტინგის სათავეში „ევროპული საქართველოს“ ლიდერი დავით ბაქრაძეა – დადებითი 59%, უარყოფითი 34%, არ მსმენია 1%, არ ვიცი 6%.
მეორე ადგილზე თბილისი მერი კახა კალაძეა – დადებითი 49%, უარყოფითი 43%, არ მსმენია 1%, არ ვიცი 6%.
მესამე პოზიციაზე „ნაციონალური მოძრაობის“ ლიდერი გრიგოლ ვაშაძეა – დადებითი 48%, უარყოფითი 43%, არ მსმენია 1%, არ ვიცი 8%.
შემდეგ მოდიან დავით უსუფაშვილი, შალვა ნათელაშვილი, ალექსანდრე ელისაშვილი, გიორგი გახარია, მამუკა ბახტაძე, სალომე ზურაბიშვილი, გიორგი ვაშაძე.
ბიძინა ივანიშვილი რეიტინგში მე-11 ადგილზეა შემდეგი შეფასებებით – დადებითი 35%, უარყოფითი 57%, არ ვიცი 8%.
რეიტინგში, რომლის გამოსავლენად კვლევა 20 მაისიდან 11 ივნისის ჩათვლით ჩაატარდა ვერ მოხვდა პარლამენტის თავმჯდომარე.
კვლევის პერიდოში თალაკვაძე საპარლამენტო უმრავლესობის ლიდერი იყო, თუმცა, როგორც უკვე აღვნიშნეთ, მან რეიტინგში ადგილი ვერ დაიკავა.
IRI-ს დაკვეთით საზოგადოებრივი აზრის კვლევა IPM-მა, 20 მაისიდან 11 ივნისის ჩათვლით ჩაატარა. საქართველოს მასშტაბით გამოიკითხა 1500 ადამიანი. კვლევის ცდომილება 2.5 პროცენტს შეადგენს.
