სამსახურში ბევრი ადამიანი თავს იზოლირებულად გრძნობს და უყურადღებობას განიცდის. თუმცა, ზოგჯერ ეს, უბრალოდ, პარანოიაა.
სიჩუმე, წვეულებებზე დაუპატიჟებლობა, საქმეში დახმარების არ შეთავაზება, „იგნორი“ და საკანცელარიო ნივთების ხშირი კარგვა _ ეს DERNMEDIA-ს ინფორმაციით, იმის მანიშნებელია, რომ თანამშრომლებს თქვენ არ მოსწონხართ.
სიჩუმე
გახსოვთ ძველი გამონათქვამი, რომ დუმილი ოქროა? ეს ყოველთვის ასე არ არის, განსაკუთრებით კი სამუშაო ადგილას. თუ ხალხი არ არის დაინტერესებული თქვენთან საუბრით, თუ თქვენს მიახლოების დროს საუბარს წყვეტენ და ამ შემთხვევაში, თქვენ მათი უფროსი არ ხართ, ეს იმას ნიშნავს, რომ თანამშრომლებს არ მოსწონხართ.
წვეულებებზე არ გპატიჟებენ
სამუშაო ადგილი განსაკუთრებულ მეგობრობას აყალიბებს კოლეგებს შორის და ისინი მეგობრულ ურთიერთობას სამსახურის გარეთაც აგრძელებენ. დაბადების დღეებზე თანამშრომლები ყოველთვის ეპატიჟებიან ერთმანეთს, მაგრამ თუ თქვენ მხოლოდ შეიტყვეთ წვეულების შესახებ და არ მიგიწვიეს, ნიშნავს, რომ თანამშრომლებს არ მოსწონხართ.
არავინ გთავაზობთ დახმარებას
სამსახურში ყველას აქვს თავის საქმე, მაგრამ ხშირად კოლეგები ერთმანეთს დავალების შესრულებაში დახმარებას სთავაზობენ. მიუხედავად იმისა, ეს ასლების გადაღებაა თუ სხვა რამ. თუ აღმოაჩენთ, რომ ოფისში არავინ გეხმარებათ დავალების შესრულებაში, სავარაუდოა, რომ მათ არ მოსწონხართ.
არ გამჩნევენ
გქონიათ შეგრძნება, რომ სამსახურში ვერავინ გამჩნევთ? ზოგჯერ ადამიანები, რომლებსაც ვინმე არ მოსწონთ, „აიგნორებენ“. როდესაც თქვენ ცდილობთ, ესაუბროთ თანამშრომელს, ის კი მოკლე პასუხს გცემთ, ეს ნიშნავს, რომ მას არ სურს თქვენთან ურთიერთობა.
მავნებლობა
ხშირად გეკარგებათ საკანცელარიო ნივთები? კომპიუტერი გამორთული გხვდებათ 10-წუთიანი შესვენების შემდეგ? ვინმემ წაგიშალათ პრეზენტაცია, რომელიც უფროსმა მოგიწონათ? ეს ხშირად ის მავნე ქმედებებია, რითაც თანამშრომლები თქვენ მიმართ სიძულვილს გამოხატავენ.
