ყვავილები, განსაკუთრებით, ვარდები, ყველას უყვარს. ბოლო პერიოდში, ჩვენში უამრავი ჯიშის ვარდი შემოაქვთ და ყვავილის არც ერთ სახეობაზე იმდენი მოთხოვნა არაა, როგორც ვარდზე. ვარდის გამრავლება ისე ძნელი არ არის, კალმით თუ მყნობით, როგორც შემდგომი მისი მოვლა და საბოლოოდ გაძლიერება. ეს კი დამოკიდებულია მის სწორად მორწყვაზე.
ხშირად გვესმის, რომ ვარდს ფოთლები დაცვივდა, გაყვითლდა, ზრდა შეაჩერა, ცუდად ყვავილობს და ასე შემდეგ.
უნდა დავიხსომოთ, რომ ბუნებაში უამრავი ცვლილება ხდება, კლიმატი შეცვლილია, სოკოვანი დაავადებები მოჭარბებულია, სითბო და სიცივეც ზოგჯერ საკმაოდ არაკანონზომიერად მონაცვლეობს. ამ ორომტრიალში უდიდესი მნიშვნელობა აქვს წყალს, რომლითაც ვარდებს ვრწყავთ. პირველ რიგში, უნდა გვახსოვდეს, რომ ყვავილებია თუ ბოსტნეული, როცა მოსარწყავია, აუცილებლად დილით ადრე მორწყეთ და არა საღამოს. განსაკუთრებით ზაფხულში, რადგან როცა ცხელა, მიწა ძალიან გახურებულია და მცენარის ფესვებსა თუ ტოტებზე წყლის დასხმა, რაც უნდა გვიანი საღამო იყოს, ახდენს მის ე. წ.”მოხარშვას”.
ვარდების მოსარწყავად აუცილებლად გამოიყენეთ ბლექჯეკი. შეგიძლიათ სხვა სტიმულატორებიც იხმაროთ. ერთი ამპულა გახსენით ათ ლიტრ წყალში და სამ-ოთხ დღეში ერთხელ, დილით, ადრე მორწყეთ, ასევე, იგივე წყალი მოაპკურეთ ფოთლებზე.
გჯეროდეთ, რომ სუფთა წყლით მორწყვა ნაკლებად წაადგება მცენარეს, ვიდრე ის ნარევი, რომელზეც მოგახსენეთ. რა თქმა უნდა, თუ ხანგრძლივი გვალვებია, ამ შემთხვევაში, სუფთა წყლითაც უნდა მორწყოთ და ბლექჯეკით გაზავებული წყალი გამოიყენოთ კვირაში ორჯერ.
თუ ვარდებს წამლობა სჭირდება, ჯერ ამ მხრივ უნდა შევეშველოთ, რადგან ფოთლების დაცვენა, მარტო გვალვამ და გამომშრალმა ნიადაგმა არ იცის.
