ვერძი
ქალბატონი ვერძი, როგორც ჭეშმარიტი პერფექციონისტი, მზად არის, ცეკვის ხელოვნებას დაუღალავად ეუფლებოდეს, ერთფეროვნება მაინც ბეზრდება. ამიტომაც ამ ნიშნის მომხიბლავი წარმომადგენლები გიჟდებიან იმპროვიზაციებზე.
ქალ-ვერძს აუცილებლად მოეწონება ენერიული ჰიპ-ჰოპი ან უფრო ჰაეროვანი და გლამურული R&B, სადაც შეძლებს განახორციელოს საკუთარი დანს-იდეები. აღსანიშნავია, რომ დამოუკიდებელი და ცეცხლოვანი ქალბატონი ვერძი უპირატესობას ანიჭებს სოლო-შესრულებას. თუმცა ექსპერიმენტების მოყვარული უარს არ იტყოდა წყვილთა დანს-თერაპიაზე. ვერძების წყვილთა ცეკვების სიაში შედის: ჩა-ჩა-ჩა, რუმბა, ჯაივი – სადაც მთლიანად უნდა დაიხარჯო, თავი დაიმკვიდრო და ჩართო ჭეშმარიტად ქალური მომხიბვლელობა.
კურო
ლამაზი ფორმების ნამდვილ დამფასებელს შეუძლია მთელი თავისი ღირსებით დატკბეს ცეკვებით. ეს კი იმას ნიშნავს, რომ მისთვის პროცესის დეტალებია მნიშვნელოვანი: ლამაზი მუსიკა, მოსახერხებელი საცეკვაო სამოსი და ფეხსაცმელი, სასიამოვნო ატმოსფერო.
თუკი ეს ფაზლი დაემთხვა, მაშინ კუროები უდიდეს სიამოვნებას იღებენ საკუთარი მოძრაობებისგან მუსიკის ქვეშ. ბუნებით მინიჭებული რიტმის გრძნობისა და მუსიკალურობის წყალობით, მათ ძალიან ჰაეროვანი მოძრაობები აქვთ. ისინი განსაკუთრებით ლამაზად გამოიყურებიან ვალსის, ტანგოს ან ქვიქ-სტეპის ცეკვისას. იმის გამო, რომ კუროებისთვის დამახასიათებელია პრობლემებზე ჩაციკვლა და დაძაბულობა, თერაპიულად მათთვის გამოწერილია… ოდისი. ეს ინდური ცეკვა გამოირჩევა დახვეწილობით და სინარნარით, ხოლო მუსიკა – მელოდიურობით, რაც მოდუნების საშუალებას იძლევა ყველაზე დაძაბული სხეულისა და ტვინისთვის.
ტყუპი
მსუბუქი და ძალიან მომხიბლავი ტყუპების ხასიათი შეიძლება მოკლედ აღვწეროთ სიტყვებით: “ი-ი-ი-ჰა-ა-ა!” მათ შეუძლიათ ყველგან და ყოველთვის იცეკვონ, ოღონდ კი მუსიკის ხმა გაიგონონ. და თუ მელოდია ცეცხლოვანია, ისინი სამზარეულოში, შუა ხახვის ჭრისასაც კი აცეკვდებიან.
მაგრამ თუკი სერიოზულად მივუდგებით საკითხს, მაშინ ტყუპისთვის ცეკვა, შესაძლოა, კომუნიკაციის ისეთ საშუალებადაც იქცეს, როგორიც მეტყველებაა.
ტყუპი უმარტივესად ითვისებს ტემპერამენტულ სალსას თუ სამბას – ამ ცეკვების მთავარი მოძრაობა – თეძოების გაქნევა ხომ უკვე “დაამუღამა” სამზარეულოში? იქნებ აფრიკული ეთნიკაც ეცადა? ამ მიმდინარეობის დიდი პლუსი იმაშია, რომ აქ რთული მოძრაობები არ არის, რაც ტყუპისთვის პირდაპირ მისწრებაა. სასიამოვნო ბონუსი კი იქნება ის, რომ სხეული ამ ცეკვის დროს იმდენად დუნდება, რომ თავად ირჩევს რიტმს და თავისუფლად მოძრაობს ეთნიკური დასარტყამი ინსტრუმენტების ქვეშ.
კირჩხიბი
თუ მოახერხა და ეს მგრძნობიარე ქალბატონი გამოძვრა საკუთარი ნაჭუჭიდან და საცეკვაო მოედანზე აღმოჩნდა, მაშინ მთელი გულითა და სულით იცეკვებს. განათება, მუსიკა და პარტნიორიც მხოლოდ მას ეკუთვნის – ცეკვაში ის თავს კარგავს, თუმცა ეს ხელს არ უშლის, დახვეწოს მოძრაობის ტექნიკა. თუმცა… არსებობს ერთი მაგრამ: კირჩხიბები საკმაოდ პრეტენზიულები არიან ცეკვისა და კოსტიუმის არჩევისას.
საიდუმლოს არ წარმოადგენს, რომ კირჩხიბები – ძალიან ფაქიზი ნატურები არიან, ფაქიზები, როგორც აღმოსავლეთი. ამიტომაც მათ მოუხდებათ ფლამენკოს, აღმოსავლურისა და ინდური ცეკვების სინთეზი – ტრეიბლი. თავისი ენერგეტიკით ტრეიბლი ძალიან ჰგავს ცეკვას, რომელსაც ერთვის მედიტაცია, ლოცვა და სხვა რიტუალები.
ლომი
საკუთარ მომხიბვლელობაში დარწმუნებული ლომი დღის ნებისმიერ მონაკვეთში დღესასწაულს ითხოვს – კაშკაშას, ძვირფასს, ხმაურიანს, რათა საცეკვაო მოედანზე მთელი თავისი მომხიბვლელობით წარსდგეს.
მისი დიდებულება ყოველ ნაბიჯსა და პა-ში წარმოჩინდება – იქნება ეს ნელი თუ ცეცხლოვანი ცეკვა. გადავსებულ საცეკვაო მოედანზეც კი ლომი თავს გრძნობს, როგორც სცენაზე და მისი მისამართით ნასროლ აღფრთოვანებულ მზერას სიამოვნებით იჭერს.
ასეთი მოცეკვავისთვის სირთულეს არ წარმოადგენს აითვისოს ყველაზე ძნელი სტილიც კი… და ამასთან, სიამოვნება მიიღოს მისგან. ლომებს ფართო არჩევანი აქვთ – ტანგოთი, ბაჩატით, მარენგით, ფლამენკოთი და ბელიდანსით დაწყებული, ჰიპ-ჰოპით დამთავრებული – ყველაფერი შეუძლიათ იცეკვონ. თითოეულში ლომი დაუმატებს ცოტა ან… ძალიან ბევრ ეროტიკულ მარცვალს.
ქალწული
ქალწულმა ყოველთვის იცის, რისი ცეკვა სურს, თუმცა ის არ ჩაიციკლება თავის სურვილზე და პარტნიორს ნებისმიერ ცეკვაში აჰყვება. მაგრამ თუ რომელიმე ცეკვა ვერ დაძლია, არ დაიბნევა და მარტივი, ნაცნობი მოძრაობებით მაშინვე ჩაანაცვლებს. ქალბატონი ქალწული შეუცვლელი პარტნიორია ცეკვაში – არ დაუშვებს შეცდომას და კარგად იჭერს რიტმს. მას არაჩვეულებრივად გამოსდის ცეცხლოვანი და სინქრონული ირლანდიური ცეკვები.
სასწორი
ისინი დიდებულები, გრაციოზულები და სილამაზის ცნობილი დამფასებლები არიან. ასევე, ძალიან სპორტულები და ამტანები არიან, ამიტომაც უყურადღებოდ არ ტოვებენ ცეკვებს. სასწორები მერყევი ხასიათით გამოირჩევიან, ამიტომაც საცეკვაო ასორტიმენტის არჩევისას, ისინი უარს იტყვიან ტრიუკებსა და ექსტრიმზე და უპირატესობას ჰაეროვან და გრაციოზულ ცეკვებს მიანიჭებენ.
სასწორები დაბადებულები არიან კლასიკური ვენური პროგრამებისთვის, სადაც გრაციოზულობა ტექნიკაზე არანაკლებ მნიშვნელოვანია. ვალსი – დიახ! ქვიქ-სტეპი – რა თქმა უნდა! და კიდევ რუმბა და ტანგო, სადაც ქალბატონ სასწორებს შეუძლიათ მოძრაობაში დაუმატონ თავისებური სიცხარე. სასწორების საცეკვაო “მენიუს” გაამრავალფეროვნებს ასევე ჰავაიური ნოუ-ჰაუ – ცეკვა ჰულა. სხვათა შორის, სწორედ აქედან წარმოიშვება გასახდომი რგოლის – ჰულა-ჰუპის სახელი. თურმე ჰავაიურ ენაზე ცეკვა ჰულას სახელწოდება ითარგმნება, როგორც “შინაგანი ცეცხლის დანთება”.
მორიელი
ტემპერამენტული მორიელი ცეკვაში მთლიანად იხსნება: მისი ვნება თვალებშიც იკითხება, იდუმალ ღიმილშიც და მკვეთრ მოძრაობებშიც. მორიელი ქალის მიერ სულ ახალი ათვისებული ცეკვაც კი აფორიაქებს მნახველს. მიზანდასახული და საკუთარი თავის მიმართ მომთხოვნი მორიელი ვერ მოისვენებს, სანამ სასურველ ეფექტს არ მიიღებს და პროფესიონალურად არ შეასრულებს ცეკვას.
მორიელები – ნამდვილი პერფექციონისტები არიან, მაგრამ ამასთანავე, რაც შეეხება ცეკვას, შეუძლიათ დათმონ ამბიციები და უარი არ თქვან წყვილთან ცეკვაზეც.
რომელ ცეკვას ანიჭებს მორიელი უპირატესობას? უფრო – ცეცხლოვანს, ცხარეს, ისეთს, როგორიც მაქსიმალურ თვითშეწირვას მოითხოვს, – ჰიპ-ჰოპი ან Ragga-Jam. ეს უკანასკნელი ძალიან ჰგავს ჰიპ-ჰოპს, თუმცა მიუხედავად ძალოსნური ელემენტებისა და ტრიუკების სიმრავლისა, მაინც უფრო ქალურია. სხვათა შორის, იამაიკაზე, სადაც Ragga დაიბადა, მას ძირითადად მამაკაცები ცეკვავენ.
მშვილდოსანი
ამ ნიშნის წარმომადგენელ ქალებს ცეკვის ნიჭი თითქოს მუცლიდან დაჰყვათ. ალბათ, ამიტომაც არის, რომ მათ ყველა სტილი და მიმართულება ხელეწიფებათ.
ოპტიმისტ და ცეცხლოვან “ენერჯაიზერ” მშვილდოსნებს, სხვა ზოდიაქოს ნიშნებისგან განსხვავებით, არასოდეს რცხვენიათ საცეკვაო მოედანზე გასვლის. მეტიც, უდიდეს სიამოვნებას იღებენ ამისგან. ასევე, მშვილდოსნები სიამოვნებით უყურებენ სხვის ცეკვას და ახალ ელემენტებს სწავლობენ მათგან.
თუ შენთვის ცეკვის რომელიმე ელემენტი გაუგებარი გახდა, – ჰკითხე მშვილდოსანს – მასზე მომთენ და ოპტიმისტ ცეკვის მასწავლებელს ვერსად ნახავ.
მშვილდოსნებს, უბრალოდ, უყვართ ცეკვა, მაგრამ კონკრეტულად რომელი? განსაკუთრებული მნიშვნელობა არ აქვს. ფოლკი, ჯაზი, ლათინო – რაც უფრო დინამიკურია ცეკვა, მით უკეთესი. ამიტომაც ეფექტური მშვილდოსნების დანს-პროგრამაში შედის კლუბური ცეკვები – ჰიპ-ჰოპი, გოუ-გოუ, სტრიტ-ჯაზი, ბრეიქ-დანსი, R&B.
ამასთანავე, მშვილდოსნის ნიშნით დაბადებულებს, უბრალოდ, უფლება არ აქვთ, არ იცოდნენ – სალსა, ბაჩატუ, ჩა-ჩა-ჩა, რუმბა და ჯაივი.
თხის რქა
თხის რქა – ეს პერფექტული, დახვეწილი, კლასიკური შოუა. სერიოზული და ცოტათი შებოჭილი თხის რქებისთვის დამახასიათებელი არ არის იმპროვიზაცია.
მიუხედავად იმისა, რომ თხის რქები იშვიათად ინტერესდებიან ცეკვით, უარს არ ამბობენ, იმოძრაონ დისკოთეკაზე ან ღამის კლუბში. და უნდა ითქვას – ეს მათ ცუდად არ გამოსდით!
თან, თუკი ქალბატონმა თხის რქამ იცეკვა – ეს უკვე მოვლენაა. მოცეკვავე თხის რქის გრძნობა უფრო ფასეულია, ვიდრე მისი ცეკვის ტექნიკა. თხის რქები საკმაოდ კონსერვატორულები და მკაცრები არიან საკუთარი თავის მიმართ, მაგრამ ამ მინუსის პლუსად გადაქცევა შესაძლებელია, თუკი ოპტიმალურ საცეკვაო პროგრამას შეარჩევს, რომელშიც არ იქნება ბევრი ექსპრესია.
მერწყული
ნამდვილი ესთეტები არიან როგორც ცხოვრებაში, ასევე ცეკვაშიც. მათთვის აბსოლუტურად სულერთია, რას ფიქრობენ მათზე სხვები, მთავარია, მათ რა მოსწონთ… ქალი-მერწყული თავად არის საკუთარი თავის მასწავლებელიც და რეჟისორიც! ის არა მარტო ოსტატურად იყენებს სტაილინგს კარგად ნაცნობ ცეკვაში, არამედ… შეუძლია გამოიგონოს სრულიად ახალი ცეკვაც.
შესაბამისად, მერწყულს შეეფერება ლათინური ცეკვები – ჯაივი, სალსა, სამბა, ტანგო, კრეატიული მიკსი თრაიბლი და მოდერნი მიმდინარეობები – ჯაზ-ფანკი, ჰიპ-ჰოპი, ჯაგა.
თევზები
ზოდიაქოს წრის ბოლო ნიშანი სამართლიანად ითავსებს ყველა დანარჩენი ნიშნების თვისებებს. ამიტომაც არის ალბათ, რომ ცეკვაში თევზები არაერთგვაროვნები არიან – არტისტულები, ექსპრესიულები, კრეატიულები, შრომისმოყვარეები და გამძლეები, მაგრამ ამასთან, ცოტათი მორცხვებიც, ეშინიათ, რომ სწორად არ გამოუვათ რომელიმე მოძრაობა.
მაგრამ ეს გამოსწორებადია მაშინვე, როგორც კი თევზები გაიგებენ მუსიკას და მიიღებენ პირველ მითითებებს. თევზები ძალიან მგრძნობიარენი არიან მუსიკის მიმართ, მაშასადამე, ყველაფერ იმასთან, რაც მუსიკას ეხება. პირველ რიგში კი – ცეკვების მიმართ! თევზების სახით ჩვენ გვყავს მოცეკვავე, რომლსაც შეუძლია ერთნაირი წარმატებით შეასრულოს ვალსი, ვნებიანი ტანგო, ეროტიკული ბაჩატა, კეთილშობილი ვალსი, ექსპრესიული ჯაზი, სუპერრთული ფანკი (სიის გაგრძელება დაუსრულებლად შეიძლება…). და ნუ იფიქრებთ, რომ ქალი-თევზი – თავაშვებული და თვითნებურია. ის არაჩვეულებრივი წევრია პატარა საცეკვაო ჯგუფისა, რომელიც ორი პარტნიორისგან შედგება და სადაც მას შესაძლებლობა აქვს, “წაიყვანოს აღლუმი”.
ავტორი
