ვერძი
ძლიერი, დამოუკიდებელი. დედობის გარდა ის სოციალურად აქტიურია და პირადი ცხოვრებისთვისაც იტოვებს დროს. თავად მუდამ ლიდერობისთვის იბრძვის და შვილებსაც იმავეს ასწავლის. შვილების მიმართ მომთხოვნი და მკაცრია.
კურო
აკონტროლებს სიტუაციას და ინარჩუნებს ემოციურ სტაბილურობას. შვილებს აჩვევს დისციპლინას და მხოლოდ იმის კეთებას, რასაც შედეგი მოაქვს. საკმაოდ ჯიუტია და აფასებს მატერიალურ ნივთებს.
ტყუპი
იცის რა არის აქტუალური და რას უნდა მიანიჭოს უპირატესობა. მუდამ ახალგაზრდაა და შვილებზე კარგად ერკვევა უკანასკნელ ტექნოლოგიებში. ცნობისმოყვარეს ავანტიურა იზიდავს. ცუდი ის არის, რომ ხშირად ეცვლება განწყობა.
კირჩხიბი
თანდაყოლილი დედობის ინსტინქტით ხელმძღვანელობენ. კარგი აღმზრდელები და მზრუნველი დედები არიან. აგრეთვე _ მგრძნობიარეები სხვა ადამიანების სატკივარის მიმართ. ხშირად ზედმეტად ზრუნავენ შვილებზე. განწყობა მკვეთრად ეცვლებათ, თუ მათი მზრუნველობის ქვეშ მყოფს საფრთხე ემუქრება.
ლომი
ზოდიაქოს ყველაზე ენერგიული დედაა. ბავშვებთან ერთად თამაშობს, მათ ყველა წამოწყებას აღფრთოვანებული ხვდება. თუმცა, ხანდახან შეიძლება მკაცრი იყოს და საკუთარი წესების დაცვა მოითხოვოს. ნაკლი ის აქვს, რომ ყველაფრის დრამატიზირება იცის, – ბუზს სპილოდ გადააქცევს.
ქალწული
ყველაზე ორგანიზებული. დედობა ენციკლოპედიურ დონეზე აქვს შესწავლილი მუდამ იცის, როგორ უნდა მოიქცეს. ხშირად უხეშად მოითხოვს წესრიგს ყველგან და ყველაფერში. სჩვევია სხვათა განსჯა, როცა საქმე შვილების აღზრდას ეხება.
სასწორი
მომთმენია. არასდროს განიცდის წვრილმანების გამო. ბავშვებს შეცდომის დაშვების უფლებასაც აძლევს. თავად კულტურული, შვილებსაც თავაზიან პიროვნებებად ზრდის. უცნაური თვისება აქვს: თუ ერთ წუთში მკაცრი არის, მეორე წუთში ათამამებს შვილებს. ცნობილი არის, როგორც სნობი მშობელი.
მორიელი
მუდამ კონტროლზე ჰყავს აყვანილი სიტუაცია, სადაც მისი შვილი ტრიალებს. არ აღელვებს, რას ფიქრობენ გარშემო მყოფები მისი აღზრდის მეთოდზე. ეს მკაცრი დედა ადვილად უმკლავდება თავის ბუდეს. მისი ემოციის ამოცნობა ბავშვებს უჭირთ. ცნობილები არიან შვილების კონტროლით.
მშვილდოსანი
თავგადასავლების მოყვარული, უშიშარი და რისკიანი დედაა. მისი შვილები მუდამ ეცნობიან ახალ ადგილებს, ადამიანებს, ნივთებს. საოცრად ბრძენები არიან. ბავშვებს ეხმარება ცოდნის მიღებაში.
თხის რქა
ოჯახის საყრდენია. შეუდარებლად შრომისმოყვარე და მიზანმიმართულია. ყველაფერს აკეთებს ოჯახის კეთილდღეობისთვის. შვილებისთვის მისაბაძია. ერთგული. დედა თხის რქა ზოგჯერ ზედმეტად სერიოზულიცაა.
მერწყული
დედა შვილებს უფლებას დართავს, ისე მოექცნენ, როგორც მეგობარს, თუმცა, რა გასაკვირია, მერწყული დედა თავადაც დიდი ბავშვია, რომელიც შვილებთან ერთად იზრდება. მათ შორის სხვაობა თითქმის არაა.
თევზები
ყველაზე მზრუნველი. მათი სიყვარული უსაზღვროა. ის ოჯახის ერთგულია. თავადაც შემოქმედებითია და შვილებსაც დაეხმარება ტალანტის გამოვლენაში. დედა თევზები ძალიან მგრძნობიარეა, _ ან პასიურ-აგრესიულია, ან ემოციურად მანიპულატორი, როცა რაღაც ისე არ ხდება, როგორც მას სურს.
