ვერძი
მამაკაცი ვერძი სასიყვარულო ურთიერთობისას თავშეუკავებელი და არაპროგნოზირებადია. ისინი მომწიფებას საკმაოდ ადრე იწყებენ, რაც მათ ქცევაზეც აისახება. არასდროს იცით, რას უნდა ელოდოთ მისგან.
ქალი ვერძის შემთხვევაში საქმე ცოტა სხვაგვარადაა. ის მთლიანად კარგავს თავს, როცა სიყვარული ეწვევა. მზადაა, ვნების მორევში გადაეშვას და ზოგჯერ შედეგებზე წინასწარ არ ფიქრობს. ვერძებს ერთგულების თემა საკმაოდ რთულად ესახებათ, რადგან მოწონების ობიექტი მათ თავგზას ურევს და გონებას აკარგვინებს. რა თქმა უნდა, ამ ნიშნის ქვეშ დაბადებულების სხვაგვარი ტიპიც არსებობს, რომელიც უზომოდ ერთგულია და საყვარელი ადამიანისთვის მაქსიმუმის გაკეთება შეუძლია.
კურო
მას ილუზიებში ჩაძირვა სჩვევია. მეოცნებეა და გრძნობები მისთვის უკანა პლანზე არასდროსაა. თუ კურომ შეგიყვარათ, ნამდვილად გაგიმართლათ, რადგან თქვენ გამო უკან არაფერზე დაიხევს და ვერაფერი შეაჩერებს. ის ამ დროს მწვერვალს ემსგავსება, რომელიც მყარად დგას და შეუვალია. კურო ქალს ძალიან სიამოვნებს, როცა აღმერთებენ და ფეხქვეშ ეგებიან.
კურო მამაკაციც და ქალიც უზომოდ მგრძნობიარეები, თბილები და მესაკუთრეები არიან. თუ მათ პარტნიორი აირჩიეს, თავს ბოლომდე მიუძღვნიან და მისგანაც იმავეს მიღებას ეცდებიან. როცა სიყვარულში იმედი უცრუვდებათ, განცდებს სხვადასხვაგვარად გამოხატავენ. მაგალითად: სასმელს მიეძალებიან ან უაზროდ დაიწყებენ საკვების მიღებას.
ეს ზოდიაქოს ერთ-ერთი ყველაზე ერთგული ნიშანია. კურო თქვენს თავს არავის დაუთმობს, რადგან თუ მისი ხართ, უთქვენოდ ძალიან გაუჭირდება.
გაითვალისწინეთ, რომ კუროები სექსის დროს აქტიურ პარტნიორს ანიჭებენ უპირატესობას. მათთვის უბრალოდ შეუძლებელია ცივ და უემოციო ადამიანთან ურთიერთობა.
თუ მისი მოხიბვლა გინდათ, უნდა ეცადოთ, რომ სიყვარული სხვადასხვა გზით დაუმტკიცოთ და ბოლომდე დაარწმუნოთ ამაში.
ტყუპები
ზოდიაქოს ერთ-ერთი ყველაზე ცვალებადი ნიშანია. ის მუდმივად ცდილობს, რომ საკუთარი ინტელექტი გამოავლინოს და თქვენშიც სწორედ ამ დეტალს დააკვირდება.
ისინი შეყვარების შემდეგაც არაპროგნოზირებადები არიან. ერთ დღეს შეიძლება პარტნიორს არაფერი აუხსნან და ისე გაქრნენ. საკუთარ თავში ხშირად იკეტებიან და ცდილობენ, გაერკვიონ.
ტყუპი ქალის შემთხვევაში, ზედაპირულ, ცოტა ირონიულ და მოთამაშე ტიპაჟთან გვაქვს საქმე. მას შარმი აქვს, რომლითაც საპირისპირო სქესს ხიბლავს. გარდა ამისა, ის ძალიან რომანტიკულია და ზოგჯერ გულჩვილიც კი.
ტყუპები მხიარული ხასიათით გამოირჩევიან. არ დაგავიწყდეთ, რომ მათი ხასიათი ქარივით იცვლის მიმართულებას. ამიტომ ხშირად უთხარით, რომ გიყვართ.
კირჩხიბი
მათ შეუძლიათ, რომ სიყვარულზე დიდხანს იფიქრონ და ყველაფერი წინასწარ წარმოიდგინონ. ხშირად მათ ოცნებაში არსებული სიყვარული რეალობასთან შეუსაბამოა.
კიბოსთვის უცხოა სექსი ემოციის გარეშე. მას ამ პროცესში სწორედ ეს მხარე ხიბლავს.
მამაკაცი კირჩხიბი საკმაოდ შემტევია და ერთგულებითაც გამოირჩევა. ის ძალიან საშიშია, რადგან როცა უგონოდაა შეყვარებული, ყველაფერზეა წამსვლელი.
კირჩხიბი ქალები მომხიბლავები, მორცხვები და ბავშვურები არიან, თუმცა არსებობს განსხვავებული ტიპაჟიც. ის თავის თავს მაქსიმალურად აფასებს და მამაკაცისგანაც იმავეს მოითხოვს.
ხშირად მათ მიუწვდომელ სიყვარულზე ოცნება უწევთ.
ლომი
დიახ, ის აუცილებლად უნდა გრძნობდეს თავს დაფასებულად და აღმატებულად. ძალიან ვნებიანები არიან, რაც ერთგვარად ხასიათში აქვთ გამჯდარი.
მამაკაცი ლომი იმდენადაა დარწმუნებული საკუთარ თავსა და მომხიბლაობაში, რომ რთულად წარმოუდგენია ქალი, რომელსაც ვერ დაიპყრობს.
ლომი, ერთი მხრივ, შეიძლება ლმობიერი, მეორე მხრივ კი, ფეთქებადი და საშიში იყოს.
ქალწული
მისი მთავარი დადებითი თვისება ისაა, რომ სიტყვებსა და საუბარს საქმით დამტკიცება ურჩევნია.
ახალგაზრდობაში ისინი შედარებით თავშეკავებულები არიან. ზოგი მათგანი სწორედ ამიტომ რჩება უცოლო. როდესაც ასაკი ემატებათ, სავსებით შესაძლებელია, რომ ვნებებს აჰყვნენ და მოულოდნელად თავი დაკარგონ.
სასწორი
ის და ქორწინება ერთმანეთთან ჯაჭვურად არიან დაკავშირებული. მასზე ქალწულისა და მორიელის გავლენა იგრძნობა. სიყვარულს მთლიანად ნებდება, მაშინ, როცა ძლიერად უყვარდება.
როცა მამაკაცი სასწორი თავს მიმზიდველად და სექსუალურად გრძნობს, მზადაა, ნებისმიერი ქალი მოხიბლოს და აცდუნოს.
მორიელი
როცა შეყვარებულია, თავს იმის უფლებას არ აძლევს, რომ თავისი ემოციები სააშკარაოზე გამოიტანოს. ისინი ზოგჯერ ასეთ დროს მეტისმეტად მორიდებულები ხდებიან.
ამ ნიშნით დაბადებული ადამიანები ეჭვიანები და მგრძნობიარეები არიან.
ქალი მორიელი მაცდუნებლად გამოიყურება ხოლმე, თუმცა, ამის მიუხედავად, მას არ უყვარს, როცა პარტნიორი ეჭვიანობის სცენებს უწყობს.
მშვილდოსანი
კუროს მსგავსად, ისიც კომფორტისა და სიმყუდროვის მოყვარული გახლავთ.
მამაკაცი მშვილდოსანი არცთუ იშვიათად, ერთგულებას ივიწყებს და სხვასთან გარბის.
ქალი მშვილდოსანი მისგან მკვეთრად განსხვავდება, რადგან ღალატის სასტიკი წინააღმდეგია და ვინც ასე გასწირავს, დაუსჯელად არ დატოვებს.
ისინი საკმაოდ თავდაჯერებულები, მიზანსწრაფულები და თავაწეულები არიან.
თხის რქა
ყველაზე უცნაური ნიშანია, რადგან უსიყვარულოდ ცხოვრება დიდხანს შეუძლია.
მას ზოდიაქოს სხვა ნიშანთან შედარებით, უფრო მარტივად შეუძლია დაშორების გადატანა. ისინი ამ ფაქტს შედარებით მარტივად ეგუებიან და მეტისმეტ თავსატეხებს გაურბიან.
ქალი თხის რქა ნაკლებად გამოირჩევა სითბოს გამომჟღავნებითა და სინაზით.
მისთვის შესაძლოა კარიერა უფრო მეტად იყოს სასურველი, ვიდრე გათხოვება, ფუსფუსი და შვილების მოვლა.
თხის რქები ზოგჯერ პანიკურად გაურბიან ურთიერთობებს, რომ ამით გულისტკივილი აირიდონ, რომლისაც ძალიან ეშინიათ.
მერწყული
ერთ-ერთი ყველაზე ჯიუტი ზოდიაქოს ნიშანია. საკმაოდ პრინციპულია და ზღაპრულზე, არარეალურზე ოცნება სჩვევია.
ქალი მერწყული ხშირად იჩენს ინიციატივას და უკომპლექსოა. ის შარმით და მგრძნობიარობით გამოირჩევა.
ეს არის სწორედ ის ნიშანი, რომელიც ხშირად ურთიერთობას ვერ ალაგებს, გაურბის ან ანგრევს. არაერთი მათგანია განქორწინებული, რაც დადასტურებული ამბავია.
მათ ჯიუტად შეუძლიათ გიმეორონ, რომ უყვარხარ და ასეთივე სიჯიუტით შეიძლება დაგშორდნენ.
თევზები
ზოდიაქოს რიგით მეთორმეტე ნიშანი ბევრი უცნაური თვისებით გამოირჩევა. მათი უმეტესობა ურთიერთობას ტანჯვასა და შორიდან ოცნებას ამჯობინებს.
ქალი თევზი ძალიან ერთგულია და თუ მისი ცოლად მოყვანა მოგიწიათ, სულაც არ ინანებთ.
გამოუსწორებელი რომანტიკოსია და პირველი ნაბიჯის გადადგმას სხვისგან ელის.
როგორც ამბობენ, მათ პლატონური სიყვარული სჩვევიათ. თუმცა, ეს იმას არ ნიშნავს, რომ სხვაგვარი ტიპაჟი არ არსებობს. ასეთ შემთხვევაში ის ვნებებს აყოლილი იქნება და გრძნობების გამჟღავნებას არ მოერიდება.
ავტორი
