ლანჩხუთში კოვიდინფიცირების 31 ახალი შემთხვევა დაფიქსირდა. ამის შესახებ „გურია ნიუსს“ ლანჩხუთის საზოგადოებრივი ჯანდაცვის ცენტრის ხელმძღვანელმა ნატო მენაღარიშვილმა განუცხადა.
ჯანდაცვის ცენტრის მონაცემებით, სულ ლანჩხუთში დაფიქსირებულია კოვიდინფიცირების 3503 შემთხვევა,გამჯანმრთელებულია 3132 ადამიანი, გარდაცვლილია 50. ამ დროისთვის აქტიურია ინფიცირების 321 შემთხვევა, საიდანაც 37 სტაციონარში, 5 სასტუმროში, 279 ბინაზე მკურნალობს.
ოზურგეთში კოვიდინფიცირების 20 ახალი შემთხვევა დაფიქსირდა. ამის შესახებ „გურია ნიუსს“ ოზურგეთის საზოგადოებრივი ჯანდაცვის ცენტრში განუცხადეს.
ეპიდემიოლოგ ელზა სიმონიშვილის თქმით, სავარაუდოდ,მეოთხე ტალღის პიკმა გადაიარა.
„სავარაუდოდ, მეოთხე ტალღის პიკი გადავიარეთ. ეხლა შედარებით დასტაბილურებულია სიტუაცია. შემცირებულია დადებითი შემთხვევების რაოდენობა როგორც მუნიციპალიტეტის ქალაქის ტერიტორიაზე, ასევე უბნებში. ძირითადად დადებითი შემთხვევები რაც გვაქვს არის ოჯახური კლასტერები. სხვა შემთხვევაში რეგულაციების დარღვევას უკავშირდება ინფიცირების გამოვლენა, ისევე, მაგრამ სიტუაცია ზოგადად სტაბილურობისკენ მიდის ნელნელა. პოზიტიური შემთხვევების რაოდენობა გვაქვს ძირითადად შემცირებული. ამაზე იმოქმედა აცრების მოცვის პროცენტობამ რადგან მოსახლეობის გარკვეულიკატეგორია აქტიურად იცრება ჩვენთვის ხელმისაწვდომი ვაქცინით.იმედი გაქვს რომ ეს სტაბილური სიტუაცია გაგრძელდება და ინფიცირების მზარდი შემთხვევები აღარ გვექნება“,_ გვითხრა სიმონიშბვილმა.
სულ ოზურგეთში დაფიქსირებულია კოვიდინფიირების 6978 შემთხვევა, გამოჯანმრთელებულია 5953 ადამიანი, გარდაცვლილია 75. აქტიურია კოვიდინფიცირების 950 შემთხვევა, საიდანაც 196 სტაციონარში, საკარანტინე სივრეში 280, ბინაზე კი 474 პაციენტი მკურნალობს.
ორი დღის განმავლობაში ჩოხატაურში კოვიდინფიცირების 25 შემთხვევა დაფიქსირდა. ამის შესახებ ჩოხატაურის საზოგადოებრივი ჯანდაცვის ცენტრში განაცხადეს.
გამოვლენილ ინფიცირების შემთხვევებს შორის მეზობელი რაიონების მცხოვრებლებიც შედიან, ვინც ტესტი ჩოხატაურში გაიკეთა. ძირითადად გამოვლენილი კი ოჯახური კონტაქტებია. ინფიცირების შემთხვევები დაფიქსირდა ბახმაროშიც. 25 შემთხვევიდან 4 შემთხვევა მესაქონლეებს შორის დაფიქსირდა. ისინი მკურნალობას ამ დროისთვის ონლაინ მეთვალყურეობის ქვეშ გადიან.
ჩოხატაურში კოვიდინფიცირების 2384 შემთხვევაა დაფიქსირებული, გამოჯანმრთელებულია 2237-ზე მეტი ადამიანი, გარდაცვლილია 26.
