სურსათის ეროვნულმა სააგენტომ 2023 წლის მეორე კვარტალში სხვადასხვა ობიექტებში ჩატარებული ინსპექტირების შედეგები გამოაქვეყნა.
ინსპექტირების შედეგების მიხედვით, კრიტიკული შეუსაბამობა გამოვლინდა ხორცის მაღაზიაში, რომელიც ოზურგეთში, გურიის ქუჩის 14 ნომერში მდებარეობს.
სურსათის ეროვნული სააგენტოს ინფორმაციით, მაღაზიაში ინვენტარი კოროზირებულია. ცნობისთვის, ინსპექტირება 6 აპრილს გახორციელდა.
რაც შეეხება, სხვადასხვა ობიქტების გეგმიური ისპექტირების შედეგებს, არის დაწესებულებები, სადაც არც კრიტიკული და არც არაკრიტიკული შეუსაბამობა არ გამოვლენილა, თუმცა შედეგების მიხედვით, უმეტესობაში არაკრიტიკული შეუსაბამობებია დაფიქსირებული.
როგორც სურსათის ეროვნულ სააგენტოში განმარტავენ, არაკრიტიკული შეუსაბამობა არის შეუსაბამობა, რომელიც არ უქმნის პირდაპირ საფრთხეს ადამიანისა და ცხოველის სიცოცხლესა და ჯანმრთელობას, რომლის აღმოფხვრა შესაძლებელია საწარმოო პროცესის შეჩერების გარეშე.
არაკრიტიკული შეუსაბამობის აღმოჩენის შემთხვევაში, უფლებამოსილი პირი ბიზნესოპერატორს შეუსაბამობის გამოსწორების მიზნით აძლევს მითითებას და გონივრულ ვადას მათ შესასრულებლად, ასევე განუმარტავს მითითებების შეუსრულებლობით გამოწვეულ შესაძლო შედეგებს.
შეუსაბამობის გამოსწორებასთან დაკავშირებული მითითებებისა და მათი შესრულებისათვის გონივრული ვადის განსაზღვრისას მონაწილეობას იღებს ბიზნესოპერატორი ან მისი წარმომადგენელი.
გონივრული ვადის გასვლის შემდეგ უფლებამოსილი პირი ვალდებულია, გადაამოწმოს მითითებების შესრულების მდგომარეობა.
იმ შემთხვევაში, თუ მითითებების შესრულების გადამოწმებისას უფლებამოსილი პირის მიერ აღმოჩენილ იქნა ისეთი შეუსაბამობა, რომელიც დაკავშირებული არ არის გაცემულ მითითებებთან, მაგრამ წარმოადგენს კრიტიკულ შეუსაბამობას, უფლებამოსილი პირი ვალდებულია იხელმძღვანელოს ამ წესის მე-6 მუხლის შესაბამისად, რაც უკვე კრიტიკულ შეუსაბამობას გულისხმობს და ბიზნესოპერატორის დაჯარიმებას და საწარმოო პროცესის შეჩერებას ითვალისწინებს, მდგომარეობის გამოსწორებამდე.
ავტორი
