რომელ ასაკში ღირს დაქორწინება

ვერძი

ვერძი თავისი გამბედაობითა და ამბიციურობითაა ცნობილი. მათ არ აწუხებთ შიში, რომ ერთხელ და სამუდამოდ ცხოვრება ერთ ადამიანს დაუკავშირონ და ყველაზე ხშირად პირველად 20-25 წლის ასაკში ქორწინდებიან.

კურო

კუროებს რომანტიკის სჯერათ, მაგრამ არ ჩქარობენ ვალდებულებების აღებას. მათ გარკვეული დრო სჭირდება იმისთვის, რომ რაც შეიძლება ახლოს გაიცნონ პარტნიორი და ყველა ეჭვი გაფანტონ. ამიტომ, ქორწინების იდეალური ასაკი 30 წელია.

ტყუპები

ტყუპებს საწყის ეტაპზე ურთიერთობა მოსწონთ, მაგრამ ბოლო მომენტამდე არ იციან, როგორ მოიქცნენ. გარკვეული დრო სჭირდებათ, რომ გაერკვნენ გრძნობებში და ცხოვრების ახალ ეტაპზე გადავიდნენ. ამიტომ, მათთვის ხშირად ქორწინებისთვის იდეალური ასაკი 28-დან 32 წლამდეა.

კირჩხიბი

კირჩხიბები ოჯახზე არიან ორიენტირებულნი და დაქორწინება სურთ. საიმედო ურთიერთობას ეძებენ, რომელიც მთელი სიცოცხლის განმავლობაში გაგრძელდება, მაგრამ სურვილი, რაც შეიძლება მალე აისრულონ სანუკვარი ოცნება, აიძულებთ, რომ ამ მიმართულებით იჩქარონ და ოჯახს ხშირად 20-23 წლის ასაკში ქმნიან.

ლომი

ლომები სიყვარულში ძალიან პრეტენზიულები არიან – ვალდებულებებს მხოლოდ მაშინ იღებენ, როცა ასი პროცენტით არიან დარწმუნებულნი თავიანთ არჩევანში. ამიტომაც, ქორწინების ასაკმა შეიძლება 30-დან 35 წლამდე გადაიწიოს.

ქალწული

ქალწულები ყველაფერში პერფექციონისტები არიან, იქნება ეს ურთიერთობები თუ სამუშაო და მათ გარკვეული დრო სჭირდებათ ცხოვრების ამ სფეროების დასაბალანსებლად. პირველი წარმატებული კარიერული ნაბიჯები მათ საშუალებას აძლევს, ცოტა დაისვენონ და შექმნან ოჯახი. ქორწინებისთვის კი იდეალური ასაკი 25-27 წელია.

სასწორი

ქორწინების იდეა ამ ნიშნის წარმომადგენლებს ხიბლავთ, მაგრამ ისინი, როგორც წესი, გრძელვადიან კავშირებსა და ოჯახის შექმნას არ ჩქარობენ და სხვადასხვა რომანით კმაყოფილდებიან. ყველაზე ხშირად 30 წლის შემდეგ ქორწინდებიან.

მორიელი

მორიელები ძალიან ვნებიანები არიან და ამავდროულად, უკიდურესად ეჭვიანობენ თავიანთ პარტნიორებზე. ამიტომ, ცდილობენ, რაც შეიძლება მალე დაუკავშირდნენ მას ოფიციალურად და როგორც წესი, 25 წლამდე ქორწინდებიან.

მშვილდოსანი

მშვილდოსანს ბოლო დრომდე მხოლოდ თავისუფლება სწყურია და ვალდებულებებს თავს არიდებს. არ მოსწონთ ოფიციალური ქორწინებები და ამიტომ, როგორც წესი, ისინი ამ გადაწყვეტილებას 35 წლის შემდეგ იღებენ.

თხის რქა

თხის რქებს არ ეშინიათ ვალდებულებების, მაგრამ პასუხისმგებლობის გრძნობა არ აძლევს ნაჩქარევი გადაწყვეტილებების მიღების საშუალებას. გარდა ამისა, მათთვის კარიერა ოჯახზე არანაკლებ პრიორიტეტია. ქორწინება შესაძლებელია 25 წლის შემდეგ, როცა უკვე გადადგამენ პირველ ნაბიჯებს კარიერაში და ურთიერთობაშიც დარწმუნებულნი იქნებიან.

მერწყული

ყველა მერწყული საკუთარ თავისუფლებას ძალიან აფასებს და ამიტომ, ოფიციალურ ურთიერთობებსა და ქორწინებას არ ჩქარობენ. მათთვის აუცილებელია, რომ პარტნიორი სანდო და მოსიყვარულე იყოს, ამიტომ ნაკლებად სავარაუდოა, რომ 30 წლამდე დაქორწინდნენ.

თევზები

თევზებს ზღაპრების სჯერათ და ახალგაზრდობაში ყველაზე დიდ რომანტიკოსებად არიან ცნობილნი. საკმაოდ ხშირად ისინი 18-დან 21 წლამდე ქორწინდებიან, მაგრამ, როგორც წესი, ასეთი ურთიერთობა დიდხანს არ გაგრძელდება.