ძილი ფიზიკური და ფსიქიკური ჯანმრთელობისთვის ერთ-ერთი მნიშვნელოვანი კომპონენტია. ხანგრძლივ ძილზე უმნიშვნელოვანესი ხარისხიანი და სწორი ძილია და სწორ ძილზეა დამოკიდებული თქვენი კანის, კუჭ-ნაწლავის მდგომარეობა და იმუნიტეტიც კი.
ცოტა ხნის წინ, ამერიკელმა მეცნიერებმა კვლევები ჩაატარეს და დაადგინეს თუ რომელ მხარეს (მარჯვენა თუ მარცხენა) არის ძილი სასარგებლო და რომ სწორი ძილი ჯანმრთელობის საწინდარია.
ზურგზე ძილი – აუცილებლად გამოიწვევს ხვრინვას, რადგან აძნელებს სუნთქვას, ეს კი საშიშია ადამიანებში, რომელთაც ასთმისა და აპნოეს პრობლემები აქვთ (აპნოე სუნთქვის დროებითი დათრგუნვაა). გარდა ამისა, კვლევებმა აჩვენა, რომ ადამიანებს, რომელთაც ზურგზე ძილი მოსწონთ, სისხლში ჟანგბადის შემცველობა ნაკლები აქვთ, რომელიც რესპირატორული დაავადებების რისკს ზრდის.
მარჯვენა მხარეს ძილი – გამოიწვევს ნივთიერებათა ცვლის დარღვევებს, რადგან ამ დროს სუსტდება ლიმფური სისტემის მუშაობა და ხელს უშლის ორგანიზმიდან ტოქსინების გამოდევნას. ცხადია, რომ აღნიშნულ ფაქტს შეუძლია ფატალურ დაავადებამდე მიიყვანოს ადამიანი.
მარცხენა მხარეს ძილი – ყველაზე სასარგებლოდ ითვლება. ასე ძილი აუმჯობესებს კუჭ-ნაწლავის სისტემის მუშაობას, განსაკუთრებით უწყობს კუჭს და კუჭქვეშა ჯირკვალს- პანკრეასს, ასევე ეხმარება ლიმფურ სისტემას ორგანიზმიდან ტოქსინებისა და შლაკების გამოდევნაში.
რჩევები, თუ როგორ შევცვალოთ უსარგებლო პოზიციაში ძილის ჩვევა – სასარგებლოთი.
- დაწექით ისე, რომ მარცხენა მხარეს მეტი სივრცე დატოვოთ. ასეთ შემთხვევაში მარჯვნივ წოლა დისკომფორტს შეგიქმნით და თავისთავად გადაბრუნდებით მარცხნივ.
- ღამით ქურა ან სანათი დაიდგით საწოლთან ახლოს მარჯვენა მხარეს, მათ ვისაც შუქზე ძილის პრეტენზია გაქვთ, ქვეცნობიერად მოგიწევთ მარცხნივ გადაბრუნება.
- მარჯვენა მხარეს ზურგის გასწვრივ დადეთ ბალიში და ან დიდი ზომის რბილი სათამაშო, რაც მარჯვნივ გადაბრუნების შემთხვევაში გაგრძნობინებთ რომ იქით ძილი მოუხერხებელია, ამიტომ მოგიწევთ მარცხენა გვერდზე იძინოთ.
