beamounde-ს ინფორმაციით, ასტროლოგები მიმდინარე კვირისთვის ასახელებენ, რომელი დღეები იქნება ყველაზე იღბლიანი, როდისაა ემოციური არასტაბილურობა მოსალოდნელი და რომელ დღეებში ჯობს, შედარებით ფრთხილად ვიყოთ:
29 ივლისი
როგორც ასტროლოგები ამბობენ, ამ დღის ენერგია თითოეული ადამიანის ცხოვრებაში ცვლილებების სურვილს გააღვიძებს და ეს სურვილი იმდენად მნიშვნელოვანი და შეუჩერებელი გახდება, რომ ბევრ ჩვენგანს საკუთარი მიზნებისა თუ ოცნებებისაკენ პირველ ნაბიჯებს გადაადგმევინებს. შესანიშნავი დღეა ახალი პროექტების დასაწყებად, არსებული საქმეების გასავითარებლად, ახალი ცოდნის მისაღებად, ბიზნესში შემდეგ ეტაპზე გადასასვლელად… ამიტომ, ჯობს, ეს დღე ნაყოფიერად გამოიყენოთ.
30 ივლისი
თვითგამოხატვის სურვილი იზრდება. ამიტომაც, არ არის გამორიცხული, დაუგეგმავ აქტივობებში ჩაერთოთ და საკუთარი ცოდნა და უნარები წარმოაჩინოთ. გარდა ამისა, ეს დღე გვაძლევს შესაძლებლობას, ჩვენ გარშემო მიმდინარე მოვლენების არსი უკეთ შევაფასოთ. შესაძლოა, ახალი იდეები და ხედვები გაჩნდეს, რამაც სამომავლოდ მნიშვნელოვანი ცვლილებებისაკენ გვიბიძგოს.
31 ივლისი
ამ დღეს შესაძლოა, ემოციური არასტაბილურობა იგრძნოთ. ჯობს, საკუთარ ინტუიციას მოუსმინოთ და ემოციურ გადატვირთვას მოერიდოთ. ასევე, კონფლიქტურ სიტუაციებს თავი მაქსიმალურად აარიდეთ.
1 აგვისტო
შესანიშნავი დღეა იმისათვის, რომ ახალი გეგმები შეადგინოთ და კონკრეტულ ნაბიჯებზეც იფიქროთ. მნიშვნელოვანია, გააანალიზოთ, რას უნდა მიაქციოთ ყურადღება, რის განვითარებაზე იფიქროთ და რას დაუთმოთ სამომავლოდ უფრო მეტი ყურადღება.
2 აგვისტო
ამ დღეს შესაძლოა, იფიქროთ, რომ ყველაფერი, რასაც აკეთებთ, უშედეგო და არასასიამოვნოა. ნუ ინერვიულებთ, ემოციური არასტაბილურობა მალე გაივლის და მოტივაციას კვლავ იპოვით. მთავარია, იმპულსური გადაწყვეტილებები არ მიიღოთ და კონფლიქტურ სიტუაციაში არ აღმოჩნდეთ.
3 აგვისტო
შესაძლოა, გეგმები, კონკრეტული საქმეები ისე არ წავიდეს, როგორც ელოდებოდით. მაგრამ, აღნიშნული დღე გვაძლევს შესაძლებლობას, განსხვავებული გზები ვეძებოთ, საკუთარ პრიორიტეტებს კიდევ ერთხელ გადავხედოთ და დავფიქრდეთ იმ სურვილებზე, რომლებიც რეალურად გვინდა.
