გთავაზობთ ჩამონათვალს იმ საკვების და დესერტებისა, რომლებიც ყველაზე „მავნებელ“ პროდუქტებად ითვლებიან და იწვევენ ძლიერ დამოკიდებულებას მათზე.
ტორტები და კრემიანი ნამცხვრები
დამოკიდებულების შკალაზე კრემიანმა ნამცხვრებმა და ტორტებმა, რომელთა ერთი ნაჭერი საშუალოდ 500 კილოკალორიას შეიცავს, დააგროვა 3,26 ქულა. ამავე დროს, მედიკოსები სულაც არ მოგვიწოდებენ საერთოდ ამოვიღოთ ისინი ჩვენი მენიუდან. კრემიანი ნაწარმის მიღება უვნებელია მხოლოდ იმ შემთხვევაში, თუ მათ დღის პირველ ნახევარში მივირთმევთ.
ტკბილი გაზიანი სასმელები
ტორტებს თან მოსდევს ტკბილი გაზიანი სასმელები, რომლებმაც 3,29 ქულა დააგროვეს იელის შკალით. გაზიანი სასმელების სისტემატურმა მიღებამ შეიძლება არა მარტო დამოკიდებულება გამოიწვიოს, არამედ კარდინალურად შეცვალოს ნივთიერებათა ცვლის პროცესი. მედიკოსების აზრით, საკმარისია ერთი თვის განმავლობაში ყოველდღიურად მიიღოთ ტკბილი გაზიანი სასმელი, რომ მეტაბოლიზმი საგრძნობლად გაიუარესოთ.
ბურგერები
ბურგერი არა მარტო სხეულის ფორმის შეცვლას იწვევს (უარესობისკენ) და ზედმეტ სანტიმეტრებს გმატებთ წელის არეში, არამედ გავლენას ახდენს ნივთიერებათა ცვლაზე და იწვევს გემოვნებითი შეგრძნებების შეცვლას. მიჩვევის შკალაზე ბურგერებმა 3,51 ბალი დააგროვეს.
კარტოფილი ფრი
კარტოფილი ფრი ძლიერ დამოკიდებულებას იწვევს იმის გამო, რომ შეიცავს აკრილამიდს. საინტერესოა ის ფაქტი, რომ მიუხედავად კალორიულობისა, ეს პროდუქტი არ იძლევა დანაყრების შეგრძნებას. მთელი ულუფა საკმაოდ მარილიანი და ცხიმიანი ფრის მირთმევიდან 30-40 წუთის შემდეგ ადამიანს უკვე შიმშილის გრძნობა ეუფლება. ეს იმის გამო ხდება, რომ ფრიტიურში შემწვარი კარტოფილი მადას მომატებას იწვევს.
ნაყინი
შაქრის და ნაჯერი ცხიმების დიდი რაოდენობით შემცველობის გამო რეგულარული მირთმევისას ნაყინი არა მარტო ზედმეტი კილოგრამებით გასაჩუქრებთ, არამედ სავსებით შესაძლებელია „ნაყინის ნარკომანად“ გადაგაქციოთ.
ორცხობილა, კრუასანი, ვაფლი
ტელევიზორთან მოკალათებულმა გადაწყვყტეთ ერთი ცალი პატარა მშრალი ნამცხვრის (პეჩენია) შესუსვნა და თვალის დახამხამებაში შემოგეჭამათ მთელი შეკვრა? – ალბათ ბევრი თქვენგანი მოხვედრილა ამ სიტუაციაში. საქმე სულაც არაა გამძაფრებულ მადაში. დიდ რაოდენობით შაქრის და ცხიმის შემცველი მშრალი ნამცხვრები ისეთივე დამოკიდებულებას იწვევენ, როგორსაც ნაყინი.
ჩიპსები
პარადოქსულია, მაგრამ ფაქტია: კარტოფილის ჩიპსებს ადამიანი მიირთმევს იმის მიუხედავად, მშიერია თუ მაძღარი. ამ მოვლენას მეცნიერებმა საკუთარი სახელიც კი დაარქვეს – „ჰედონისტიკური ჰიპერფაგია“. მედიკოსები ვარაუდობენ, რომ ჩიპსების მწარმოებლები მასში ამატებენ სანელებელ „ტრიგერებს“ – ნივთიერებას, რომელიც ტვინს უგზავნის კმაყოფილების და სიამოვნების სიგნალს.
შოკოლადი
საკვებზე დამოკიდებულების შკალით შოკოლადმა ზუსტად იმდენი დააგროვა, რამდენიც ჩიპსებმა-3,73 ბალი. ეს ნუგბარი ისევე მოქმედებს თავის ტვინზე, როგორც ნაყინი. ის ასტიმულირებს სიამოვნების ცენტრს და ახდენს შეჭმული პროდუქტის რაოდენობის კონტროლის ბლოკირებას. შოკოლადის შემთხვევაში ეს ხდება რაფინირებული ნახშირწყლებისა და კოფეინის ხარჯზე.
პიცა
და ბოლოს რეიტინგის ლიდერი – პიცა. ყველაზე მეტი ქულა (4, 01) საკვებზე დამოკიდებულების შკალით ამ პროდუქტმა დააგროვა. როგორც ჩანს, ცხიმიანი, ნოყიერი, მარილიანი და რაფინირებული ნახშირწყლებით გაჯერებული პიცა შოკოლადზე, ჩიპსებზე, ნაყინზე და კრუასანზე მეტად ახდენს სიამოვნების ცენტრის სტიმულირებას.
