გუშინ, გამოცემამ „The Times“ საინტერესო ინფორმაცია გაავრცელა. აღმოჩნდა, რომ ბოლო დროს, არაბი შეიხების ფულით გაძლიერებული „ნიუკასლ იუნაიტედი“, კრიშტიანო რონალდუს გადაბირების პარალელურად ხვიჩა კვარაცხელიას გადაყვანასაც ცდილობს.
ცნობილი გახდა რომ ქართველ ფეხბურთელს მსოფლიოს ჩემპიონატამდე „ნიუკასლის“ წარმომადგენლები აქტიურად აკვირდებოდნენ და უახლოეს ორ სატრანსფერო ფანჯარაში ხვიჩა ინგლისელთა მთავარი სამიზნე იქნება.
„ნიუკასლი“ მზადაა „ნაპოლის“ კვარაცხელიას სანაცვლოდ 50 მილიონი გირვანქა სტერლინგი გადაუხადოს.
„ნაპოლი“ კვარაცხელიასთან გამოთხოვებას ჯერჯერობით არ აპირებს და ფეხბურთელის შესანარჩუნებლად მზადაა, მას კონტრაქტიც გაუხანგრძლივოს და ხელფასიც გაუზარდოს.
გუშინ, „ნაპოლიმ“ საკუთარ „სტადიო მარადონაზე“ ამხანაგურად ესპანურ „ვილიარეალს“ დაუპირისპირდა. შეხვედრის წინ გამოცემამ „La Repubblica“ ქართველ ფეხბურთელს რამდენიმე სტრიქონი მიუძღვნა:
„ხვიჩა კვარაცხელია „ვილიარეალთან“ მატჩში განსაკუთრებული დაკვირვების ქვეშ იქნება. ქართველი ტალანტი მზადაა, ამ საღამოს ესპანელებთან შოუ დადგას. „მარადონა“ აინთება. ნეაპოლის ახალი KK-ისთვის, იგივე ხვიჩა კვარაცხელიასთვის კი, რომელმაც პუბლიკას თავი სამ თვეში შეაყვარა, „ვილიარეალთან“ ამხანაგური თამაში განსაკუთრებული იქნება. ტრიბუნებზე შეკრებილი დაახლოებით 25 ათასი მაყურებელი თვალებით ძებნას N77-ს დაუწყებს. ბოლო სპექტაკლი, რომელიც ხვიჩამ ამ არენაზე დადგა, 29 ოქტომბრით თარიღდება – „სასუოლოსთან“ მატჩში. მაშინ ქართველმა ტალანტმა, რომელიც გულშემატკივრების კუმირი გახდა, შოუ დადგა – გოლი და ორი საგოლე პასი მიითვალა. მისი გაჭიანურებული უქმობის შემდეგ, „ნაპოლის“ აღარ სურს კვარას გარეშე კიდევ დარჩენა“.
სამწუხაროდ „ნაპოლი“ დამარცხდა – 2:3, ხვიჩა კვარაცხელიამ კი თავი გატანილი გოლით გამოიჩინა.
ქართველი თავიდანვე ძირითად შემადგენლობაში იყო და მინდორზე 90 წუთი გაატარა. თავდაპირველად, მეთორმეტე წუთზე „ვილიარეალი“ დაწინაურდა, მაგრამ სამ წუთში ოსიმენმა წონასწორობა აღადგინა.
შეხვედრის მეორე ნახევარში სტუმართა გუნდმა ორი უპასუხო ბურთის გატანა მოახერხა. 79-ე წუთზე ხვიჩა კვარაცხელიამ თერთმეტმეტრიანი დარტყმით სხვაობა მინიმუმამდე დაიყვანა.
ფრანგული „მეცი“ ამხანაგურად „გრონინგენს“ დაუპირისპირდა და წააგო – 2:3, თუმცა გიორგი მიქაუტაძემ გოლი გაიტანა.
ქართველმა ფეხბურთელმა გახსნა ანგარიში მატჩის 27-ე წუთზე, როცა მეტოქის კარი თერთმეტმეტრიანი დარტყმით აიღო.გიორგი მოედანზე 61-ე წუთამდე იყო.
მორიგი ამხანაგური მატჩი ჩაატარა, პორტუგალიაში შეკრებაზე მყოფმა „ბორდომ“. ფრანგულმა გუნდმა ადგილობრივი „ბოავიშტა“ დაამარცხა – 2:0/ მორიგი ამხანაგური მატჩი ჩაატარა და ბოავიშტა 2:0 დაამარცხა,
შეხვედრაში ანგარიში, 30-ე წუთზე ზურიკო დავითაშვილმა შეძლო.ქართველმა ანგარიში 30-ე წუთზე გახსნა.
ალბათ გახსოვთ, რამდენიმე თვის წინ თბილისში ჩატარებული ევროპის საკალათბურთო პირველობის შეხვედრები და ინციდენტი, რომელიც საქართველოსა და თურქეთის ნაკრებთა მატჩში მოხდა დუდა სანაძესა და ფურკან კოკრმაზს შორის. ინციდენტი გასახდელშიც გაგრძელდა, სადაც მასში ამ კალათბურთელთა გარდა გოგა ბითაძე და თორნიკე შენგელიაც მონაწილეობდნენ. გუშინ ცნობილი გახდა რომ ფიბამ ქართველები უფრო მკაცრად დასაჯა.
გოგა ბითაძე 15 ათასი შვეიცარიული ფრანკით დასაჯა. გოგას აგრეთვე 3-წლიანი პირობითი დისკვალიფიკაცია მისცეს, რაც ნიშნავს, რომ ბითაძე ავტომატურად მიიღებს ხუთ–მატჩიან დისკვალიფიკაციას, თუკი კიდევ ერთხელ იქნება შემჩნეული რაიმე ინციდენტში.
დუდა სანაძე 3 ათასი შვეიცარიული ფრანკით დაისაჯა, მასაც 3-წლიანი პირობითი დისკვალიფიკაცია მისცეს. მომდევნო დარღვევის შემთხვევაში, სანაძე ავტომატურად 1 მატჩს გამოტოვებს.
თორნიკე შენგელიას პირობითი დისკვალიფიკაცია და 5 ათასი შვეიცარიული ფრანკი დაუდგინეს.
კორკმაზი 6 ათასი შვეიცარიული ფრანკით და პირობითი დისკვალიფიკაციით დაისაჯა, რომლის დარღვევის შემთხვევაში, თურქი კალათბურთელი ავტომატურად 3 თამაშს გამოტოვებს.
საქართველოს კალათბურთის ფედერაცია 40 ათასი შვეიცარიული ფრანკით დაისაჯა, თურქეთის – 15 ათასით.
გუშინ, ფრანგული „პარი სენ ჟერმენის“ პრეზიდენტმა ნასერ ალ–ხელაიფიმ ლიონელ მესისთან კონტრაქტის განახლების შესაძლებლობაზე ისაუბრა.
„თუ ორივე მხარეს გვექნება გაგრძელების სურვილი, ბუნებრივია, რომ თანამშრომლობას გავაგრძელებთ. გადავწყვიტეთ, რომ მოლაპარაკებები მსოფლიოს ჩემპიონატის შემდეგ გვექნება. თუმცა, შემიძლია ათასჯერ დავადასტურო, რომ ის ძალიან ბედნიერია „პსჟ“–ში, შესანიშნავი სეზონს ატარებს და ვფიქრობ, რომ დარჩენა სურს“.
ავტორი
