BBC-ის ინფორმაციით, რუსეთის პრეზიდენტმა ვლადიმერ პუტინმა განაცხადა, რომ ის არ უარყოფს უკრაინის სამშვიდობო მოლაპარაკებების იდეას.
უკრაინამ და რუსეთმა ადრე განაცხადეს, რომ მოლაპარაკებების მაგიდასთან გარკვეული წინაპირობების გარეშე არ მივლენ.
კიევი აცხადებს, რომ არ დათმობს არცერთ ტერიტორიას, მაგრამ მოსკოვი ამბობს, რომ კიევმა უნდა მიიღოს თავისი ქვეყნის “ახალი ტერიტორიული რეალობა”. რუსეთი თავის მეზობელ ქვეყანაში შარშან შეიჭრა.
პუტინმა შაბათს გვიან ღამით გამართულ პრესკონფერენციაზე განაცხადა, რომ უკრაინის ფრონტზე მოქმედებების გააქტიურება ჯერჯერობით არ იგეგმება.
მოსკოვის უკრაინაში შეჭრის კრიტიკა აკრძალულია და ოპოზიციის ყველაზე ცნობილი წევრები გისოსებს მიღმა ან ემიგრაციაში არიან.
ფართო ბრიფინგზე რუსეთის პრეზიდენტმა ასევე განუცხადა ჟურნალისტებს, რომ მოსკოვმა რამდენიმე „პრევენციული დარტყმა“ განახორციელა ამ თვის დასაწყისში ყირიმის ხიდზე აფეთქების შემდეგ.
ხიდზე მომხდარი ინციდენტის შემდეგ – რომლის შედეგადაც ორი ადამიანი დაიღუპა – პუტინმა პირობა დადო, რომ უპასუხებს უკრაინის “ტერორისტულ” აქტს. კიევს ოფიციალურად არ უთქვამს, რომ პასუხისმგებელია ხიდზე მომხდარ აფეთქებაზე, რომელიც ოკუპირებულ ნახევარკუნძულს რუსეთს აკავშირებს.
რუსეთ-აფრიკის სამიტი მას შემდეგ გაიმართა, რაც აფრიკული კონტინგენტი, რომელშიც შედის შვიდი ქვეყნის ლიდერები და წარმომადგენლები, შეხვდნენ უკრაინის პრეზიდენტს ვოლოდიმირ ზელენსკის და პუტინს გასულ თვეში.
უკრაინის ჩრდილო-აღმოსავლეთში ქალაქ სუმში, ერთი ადამიანი დაიღუპა და ხუთი დაშავდა სარაკეტო თავდასხმის შედეგად, _ განაცხადა ქვეყნის შინაგან საქმეთა სამინისტრომ.
სამინისტრომ Telegram-ზე განაცხადა, რომ რუსული რაკეტა საგანმანათლებლო დაწესებულებას შაბათს საღამოს დაეჯახა.
სხვაგან, ორი ადამიანი დაიღუპა და ერთი დაშავდა შაბათს სამხრეთ უკრაინის ქალაქ ზაპორიჟჟიაში რაკეტის დარტყმის შემდეგ, _ თქვა ოფიციალურმა წარმომადგენელმა.
საკრებულოს მდივანმა ანატოლი კურტიევმა განაცხადა, რომ “მტრის რაკეტით” გამოწვეულმა აფეთქების ტალღამ ბინის ფანჯრები ააფეთქა და დააზიანა სასწავლო დაწესებულება და სუპერმარკეტი.
რუსეთმა განაცხადა, რომ ორი საოფისე კორპუსი დაზიანდა მოსკოვზე უპილოტო თვითმფრინავის თავდასხმის შედეგად კვირას, გამთენიისას.
ქალაქის მერმა სერგეი სობიანინმა განაცხადა, რომ თავდასხმის შედეგად არავინ დაშავებულა, რაშიც ის უკრაინას ადანაშაულებს.
მოსკოვის საჰაერო სივრცე დროებით დაიხურა, მაგრამ ვნუკოვოს აეროპორტი მას შემდეგ გაიხსნა.
პრეზიდენტი ზელენსკი უკრაინის სპეცრაზმს ეწვია ბახმუტთან, ქალაქთან, სადაც ომის ყველაზე სასტიკი ბრძოლები მიმდინარეობს.
უკრაინის ხელისუფლებამ განაცხადა, რომ კიევის ჯარები თანდათან წინ მიიწევენ აღმოსავლეთ ქალაქთან, რომელიც რუსულმა ძალებმა მაისში დაიკავეს.
