რუსეთი იმუქრება “განკითხვის დღით”, თუ უკრაინა ყირიმს თავს დაესხმება

თითქმის ხუთი თვე გავიდა მას შემდეგ, რაც რუსეთმა უკრაინაზე თავდასხმა დაიწყო. 

რუსეთის ყოფილმა პრეზიდენტმა დიმიტრი მედვედევმა განაცხადა, რომ თუ უკრაინა თავს დაესხმევა ყირიმის ნახევარკუნძულს, ამ შემთხვევაში ქვეყანას “განკითხვის დღე” დაუდგება.

ინფორმაციისთვის,  ყირიმის ნახევარკუნძული, მოსკოვმა 2014 წელს ანექსირა, მიუხედავად იმისა, რომ ამ დრომდე უკრაინის ტერიტორია იყო.

„ზოგიერთი აღფრთოვანებული, სისხლიანი ჯამბაზები, რაღაც განცხადებებით, ცდილობენ დაგვემუქრონ, ვგულისხმობ ყირიმზე თავდასხმებს და ა.შ.“ – განუცხადა მედვედევმა მეორე მსოფლიო ომის ვეტერანთა ჯგუფს ვოლგოგრადში.

“თუ რაიმე მსგავსი მოხდება, მათთვის დაუყოვნებლად დადგება განკითხვის დღე, ძალიან სწრაფი და მკაცრი. ამის თავიდან აცილება არ იქნება”, – განაგრძო მედვედევმა. „მაგრამ ისინი აგრძელებენ ზოგადი სიტუაციის პროვოცირებას ასეთი განცხადებებით.

ყოფილი პრეზიდენტი მუქარაში კიდევ უფრო კონკრეტული იყო.

“დარწმუნებული იყავით, რომ ამ ოპერაციის ამოცანები შესრულდება. ისინი დაკავშირებულია რუსეთისთვის არსებული საფრთხეების აღმოფხვრასთან.”