რუსეთის საგარეო საქმეთა სამინისტროს ინფორმაციით, მათ ლიტვა გააფრთხილეს, რომ თუ კალინინგრადისკენ ტრანზიტი სრულად არ აღდგება, რუსეთი ეროვნული ინტერესების დაცვის უფლებას იტოვებს.
როგოც უწყების პრეს რელიზში წერია, დღეს, 20 ივნისს რუსეთის საგარეო საქმეთა სამინისტროში დაიბარეს ლიტვის საქმეთა დროებითი რწმუნებული.
მას სამინისტროში გადამწყვეტი პროტესტი გადასცეს და საპასუხო ქმედებით დაემუქრნენ.
,,მკაცრად გავაპროტესტეთ ვილნიუსის მიერ რუსული მხარის წინასწარი შეტყობინების გარეშე დაწესებული აკრძალვა ლიტვის ტერიტორიით კალინინგრადის რეგიონში საქონლის დიდი ასორტიმენტის სარკინიგზო ტრანზიტზე. ამ შეზღუდვების დაუყოვნებლივ მოხსნას ვითხოვთ.
ჩვენ აღვნიშნეთ, რომ ვითვალისწინებთ ლიტვის მხარის პროვოკაციულ ზომებს, რომლებიც არღვევს ლიტვის საერთაშორისო სამართლებრივ ვალდებულებებს, უპირველეს ყოვლისა, რუსეთის ფედერაციისა და ევროკავშირის ერთობლივ განცხადებას კალინინგრადის რეგიონსა და რუსეთის ფედერაციის დანარჩენ ტერიტორიებს შორის ტრანზიტის შესახებ. როგორც ღიად მტრულად განწყობილი.
ამასთან დაკავშირებით, მათ განაცხადეს, რომ თუ უახლოეს მომავალში სატვირთო ტრანზიტი კალინინგრადის რეგიონსა და რუსეთის ფედერაციის დანარჩენ ტერიტორიებს შორის ლიტვის გავლით სრულად არ აღდგება, მაშინ რუსეთი იტოვებს უფლებას მიიღოს ზომები თავისი ეროვნული ინტერესების დასაცავად.“ – წერია განცხადებაში.
ცნობისთვის, 18 ივნისიდან ლიტვა კალინინგრადის მიმართულებით აღარ უშვებს იმ მატარებლებს, რომელთაც ევროკავშირის მიერ სანქცირებული პროდუქტი გადააქვთ
აქამდე ლიტვას ამ გადაწყვეტილების გამო რუსი სენატორებიც დაემუქრნენ, კრემლის სპიკერმა, დმიტრი პესკოვმა კი ვილნიუსის ქმედებას უპრეცედენტო და უკანონო უწოდა.
ავტორი
