BBC-ის ინფორმაციით, რუსეთის ავიაკომპანიებს ქვეყნის დასავლეთით საჰაერო სივრცის თითქმის სრული ბლოკადა ემუქრება მას შემდეგ, რაც ევროკავშირის ოფიციალურმა წარმომადგენელმა განაცხადა, რომ ევროპის ქვეყნების უმეტესობა აპირებს ფრენების აკრძალვას.
ამ მოვლენის შესახებ ოფიციალური გადაწყვეტილება დღეს განიხილება. რამდენიმე ქვეყანამ უკვე იმოქმედა, მათ შეუერთდა გერმანია, შემდეგ კი ბელგია, ხოლო ევროკავშირის სხვა სახელმწიფოები ნელ-ნელა უერთდებიან. ჯერჯერობით რუსულ ავიაკომპანიებს დასავლეთის მიმართულებით ფრენის მხოლოდ რამდენიმე მარშრუტი აქვთ. რუსულმა S7 Airlines-მა Facebook-ზე დაწერა, რომ ევროპის მიმართულებით ფრენებს მინიმუმ 13 მარტამდე აუქმებს. გარდა ამისა, რუსეთის უდიდესმა კომპანიამ Aeroflot-მა განაცხადა, რომ აუქმებს ფრენებს ლატვიისა და რუმინეთის მიმართულებით 26 მარტამდე, ხოლო პრაღისა და ვარშავის მარშრუტებს 28 მარტამდე.
წარმატებულია თუ არა რუსეთის შეტევა?
ზელენსკის თქმით, შეტევა წარმატებით არ მიმდინარეობს რიგი მიზეზების გამო, მათ შორის არის საავიაციო შეზღუდვაც, რომელიც უკვე არაერთმა ქვეყანამ განახორციელა. რუსული თვითმფრინავები ვეღარ შედიან ბალტიისპირეთის ქვეყნების, პოლონეთის, ჩეხეთის, ბულგარეთის, რუმინეთისა და სლოვენიის საჰაერო სივრცეში. ეს კი დიდ ზიანს აყენებს მათ თავდასხმის გეგმას. გარდა ამისა, რუსულ თვითმფრინავებს აეკრძალათ დიდი ბრიტანეთის საჰაერო სივრცეში შესვლა. გერმანია კი დღეიდან სამთვიან აკრძალვას აწესებს. იტალიაც კეტავს ავიარეისებს რუსეთისთვის. ბელგიის პრემიერ- მინისტრმა ალექსანდრ დე კროომ თქვა, რომ ბელგიის ცა ღიაა მხოლოდ მათთვის, ვინც ადამიანებს აკავშირებს და არა მათთვის, ვინც სისასტიკისა და ბოროტების გავრცელებას ცდილობს. ასე რომ, რუსეთისთვის ბელგიაც დაკეტილია.
[sexy_author_bio]
