უკრაინაში, დონეცკის ოლქის ქალაქ სლოვიანსკზე რუსეთის არმიამ განაახლა თავდასხმა.ამის შესახებ უკრაინის შეიარაღებული ძალების გენერალურმა შტაბმა ფეისბუქზე განაცხადა.
“სლოვიანსკის მიმართულებით რუსი დამპყრობლები აგრძელებენ უკრაინის შეიარაღებული ძალების პოზიციების დაბომბვას და განაახლეს შეტევა.
დონეცკის მიმართულებით, დამპყრობლები ახორციელებენ შეტევითი ოპერაციების ჩატარებას და აგრძელებენ სროლას უკრაინული შენაერთების მიმართულებით, ახორციელებენ სარაკეტო დარტყმებს და ჯარების გადაჯგუფებას.
მტერი ცდილობს ბახმუტის მიმართულებით, ჩაშალოს უკრაინული მიწოდების ჯაჭვები და მოკვეთოს უკრაინული შენაერთები ძირითად ძალებს.
ლიმანის მიმართულებით მტერი ახორციელებს დაზვერვას და არტილერიის მხარდაჭერით ცდილობს ლიმანში ფეხის მოკიდებას.
ჩრდილო-აღმოსავლეთის მიმართულებით, მტერი აგრძელებს უკრაინა-რუსეთის საზღვრის გაძლიერებას ბრიანსკის და კურსკის რაიონებში, რუსეთის საჰაერო სადესანტო ძალების ორი ბატალიონის ტაქტიკური ჯგუფის განლაგებით.
ხარკოვის რეგიონში მტერი ამზადებს პერსონალს მოტორიზებული ქვეითი, სატანკო და საარტილერიო ნაწილების შესავსებად. მტერი დაბომბავს და დისტანციურად დანაღმავს ტერიტორიას, სადაც უკრაინული შენაერთების განლაგება შეიძლებოდა.
ხარკოვის გარეთ, მტრის ძირითადი ძალისხმევა მიმართულია პოზიციების შენარჩუნებაზე და უკრაინის ჯარების წინსვლის შეკავებაზე.
სამხრეთ ბუჰის მიმართულებით, მტერი აგრძელებს ზომების მიღებას ხერსონის რეგიონზე კონტროლის შესანარჩუნებლად უკრაინის ქვედანაყოფების წინააღმდეგ დაბომბვის რაოდენობის გაზრდით, საჰაერო დაზვერვის ჩატარებით, პოზიციების გამაგრებით და მათი ძალების გაძლიერებით სარეზერვო ნაწილების გადაყვანით.
შავ და აზოვის ზღვებში რუსული ხომალდები აგრძელებენ სამოქალაქო გემების ბლოკირებას”,_ ნათქვამია განცხადებაში.
