რუსეთის არმიამ კატასტროფული კრახი განიცადა ბალისტიკური რაკეტის სატესტო გამოცდის დროს _ რაკეტა „სარმატი“, რომელიც რუსული ბირთვული არსენალის მთავარ იარაღად მიიჩნეოდა, ტესტირების დროს მიწისქვეშა ანგარში აფეთქდა, _ იუწყება cnn.com.
21 სექტემბერს თანამგზავრიდან გადაღებულ ფოტოებზე აშკარად ჩანს პლესეცკის კოსმოდრომზე 60 მეტრიანი კრატერი, რომელიც, დიდი ალბათობით, სწორედ რაკეტის აფეთქების შედეგად წარმოიშვა. გარდა ამისა, ფოტოზე ჩანს სხვა სერიოზული დაზიანებებიც.
კარნეგის ფონდის მკვლევარი ბირთვულ ენერგეტიკაში ჯეიმს ექსტონი წერს, რომ თანამგზავრიდან გადაღებული ფოტოები აშკარად მიუთითებენ მძლავს აფეთქებაზე _ ექსტონი დარწმუნებულია, რომ „სარმატის“ გამოცდამ კრახი განიცადა.
საკონტინენტთაშორისო ბალისტიკური რაკეტა „სარმატი“ განკუთვნილი იყო ატომური იარაღით ევროპასა და ამერიკის შეერთებულ შტატებში სამიზნეების გასანადგურებლად .
