როგორც ვიუწყებოდით, დღეს პოლიციამ აქციის ორი აქტიური მონაწილე დააკავა.
“პუბლიკას” ინფორმაციით, მომხდარის თვითმხილველები სოციალურ ქსელში გამოქვეყნებულ პოსტებში დებენ, რომ ბექა გოცირიძე, რომლის საჩივრის საფუძველზეც დააკავეს თორნიკე თოხშუა და მინდია შერვაშიძე, 1 აგვისტოს აქციის მონაწილეებს აგინებდა, რასაც, სავარაუდოდ, დაპირისპირება მოჰყვა, რა დროსაც, თვითმხილველების თქმით, გოცირიძეს ჯიბიდან დანა ამოუვარდა.
დანა აქციის ერთ-ერთმა მონაწილემ იპოვა და გადასცა პოლიციას.
„ეს გოცირიძე ჯიბეში დანით და ხმამაღალი გინებით რუსთაველზე მივიდა, ჩხუბი თვითონ ატეხა, და პოლიციამ კი ის ადამიანები დაიჭირა, ვინც მას დანა წაართვეს, შემდეგ პატრულს გააყვანინეს, და ვინ იცის, იქ მყოფი სხვა ადამიანები რამხელა უბედურებისგან გადაარჩინეს.“ – წერს სოციალურ ქსელში გამოქვეყნებულ პოსტში იურისტი საბა ბრაჭველი.
