მალე დადგება ახალი წელი, ყველასათვის განსაკუთრებული, ჯადოსნური დღესასწაული. მთავარ ხიბლსა და განწყობას კი, სხვა უამრავ დეტალთან ერთად, საახალწლო სამზადისი ქმნის, რომელიც ძირითადად დეკემბრის თვეში იწყება და საკმაოდ დიდ დროს მოითხოვს. იწყება საახალწლო საჩუქრების შეძენა, სახლის მორთვა, პროდუქტების მომარაგება, ნაძვის ხის შერჩევა და სხვა.
იმისათვის, რომ ბოლო თვეში, დატვირთული გრაფიკი თავიდან ავიცილოთ, დროა, ახალი წლისთვის მზადება წინასწარ, მის მოახლოებამდე დავიწყოთ. დროის მაქსიმალურად დასაზოგად კი შეგვიძლია, ჩვენთვის სასურველი საახალწლო ინვენტარი წინასწარ შევიძინოთ. ახალი წლის გასალამაზებლად, ერთ-ერთი, ყველაზე მნიშვნელოვანი დეტალი, რა თქმა უნდა, ნაძვის ხეა.
ნაძვის ხის შერჩევის პროცესი, ახალი წლის ერთ-ერთი ყველაზე განსაკუთრებული ხიბლია, რადგან მას ჯადოსნური გარემოს შექმნა შეუძლია. ეს არის მომენტი, როდესაც ყველა ერთად იკრიბება, თითოეულ ოჯახში, საგულდაგულოდ ამზადებენ კუთხეს, რომლისთვისაც შესაფერის, ლამაზ ნაძვის ხეს არჩევენ მოსართავად, მის ცენტრში კი დიდი სიყვარული, ხალისი და საახალწლო განწყობა სუფევს.
ხის მორთვის ტრადიცია, გერმანიაში, მე-16 საუკუნიდან იღებს სათავეს. იმ დროისათვის, ხეები, როგორც წესი, მხოლოდ 4-5 ფუტის სიმაღლის იყო და გამხმარი ხილით, თხილითა და გამომცხვარი ფუნთუშებით რთავდნენ. დროთა განმავლობაში, ტრადიცია, ევროპასა და ამერიკაშიც დამკვიდრდა, საიდანაც ის კომერციისა და ვაჭრობის უზარმაზარ მარკეტინგულ კამპანიად იქცა, რომელიც, ზოგიერთ რაიონში გაყიდვების გაზრდის მიზნით, აგვისტოს დასაწყისშიც იწყებოდა. დღესდღეობით, ნაძვის ხე, მთელ მსოფლიოში ახალი წლის უმთავრესი სიმბოლოა.
როგორ შევარჩიოთ და შევიძინოთ ნაძვის ხე ?
დღეს, ადამიანთა დიდი ნაწილი, სახლში ხელოვნური ნაძვის ხის დადგმას არჩევს. რაც, ერთი მხრივ, სასიამოვნო ფაქტი და ბუნების დაცვისთვისა და ზრუნვისათვის გადადგმული მნიშვნელოვანი ნაბიჯია, მეორე მხრივ კი სხვა დადებითი უპირატესობებიც გააჩნია. მათ შორის: ხელოვნური ნაძვის ხე შეგიძლიათ, გამოიყენოთ მრავალჯერადად, რაც ეკონომიური არჩევანია; მოითხოვს ნაკლებ მოვლას და ინარჩუნებთ მეტ სისუფთავეს; გაქვთ მრავალფეროვანი არჩევანი, შეძლებთ, შეარჩიოთ თქვენთვის სასურველი, ზომის, ფორმისა და დიზაინის ნაძვის ხე;
მნიშვნელოვანია, ნაძვის ხის შერჩევამდე, გავითვალისწინოთ ყველა ის ფიზიკური მახასიათებელი, რომელიც მას, თქვენი ბინისათვის შესაფერისად აქცევს.
პირველ რიგში, განსაზღვრეთ ზომა, რომელიც გარდა იმისა, რომ გემოვნებაზეა დამოკიდებული, აუცილებლად მოითხოვს სახლის ინტერიერის გათვალისწინებასაც. სასურველია, მაღალჭერიან ოთახს, მაღალი ნაძვის ხე მოვუხდინოთ.
დროთა განმავლობაში, ბაზარზე ნაძვის ხეების მრავალფეროვნება იზრდება. წარმოდგენილია როგორც კლასიკური მწვანე ფერის, ასევე, სხვადასხვა დეკორატიული ეფექტის მქონე ნაძვის ხეები.
გემოვნების მიხედვით, თუ სახლის ინტერიერი ღია და თბილ ფერებშია გადაწყვეტილი, კარგი იქნება თუ კლასიკური სტილის მწვანე ნაძვის ხეს შევარჩევთ, ხოლო თუკი ინტერიერში მუქი ფერები ჭარბობს, შეგვიძლია თეთრი, დათოვლილი ეფექტის ხე შევარჩიოთ.
ნაძვის ხეს ყველა ინდივიდუალურად, საკუთარი გემოვნებით აფორმებს. ზოგს მეტად, ხოლო, ზოგს, ნაკლებად დატვირთული ნაძვის ხეები უყვარს. ბოლო პერიოდში, განსაკუთრებით ხშირად ვხვდებით მინიმალისტურ სტილში გადაწყვეტილ, მხოლოდ განათებით და ერთი ფერის სათამაშოებით გაფორმებულ ნაძვის ხეებს. მაგალითად, მცირე ფართობის მქონე ბინაში შეგვიძლია, განათებით და სათამაშოებით გაფორმებული ნაძვის ხე, კედელზეც კი დავკიდოთ.
რაც შეეხება ყველაზე მთავარ დეტალს, ნაძვის ხის შეძენაზე ზრუნვას, დროის დაზოგვა ამ ნაწილშიც არ გვაწყდება. განსაკუთრებით, მაშინ, როდესაც, ნაძვის ხეების ყიდვა უკვე ონლაინ, სახლიდან გაუსვლელადაც შეგიძლიათ.
შეარჩიეთ სასურველი ნაძვის ხე იაფად, ისარგებლეთ ფასდაკლებით, განვადებითა და საუკეთესო პირობებით ონლაინ მაღაზია Citrus.ge-ზე.
ციტრუსზე ნაძვის ხეების მრავალფეროვანი არჩევანია. ვებსაიტზე იპოვით სხვადასხვა საფასო კატეგორიის, 120 სმ-დან 300 სმ-მდე ზომის ნაძვის ხეებს სასურველი დიზაინით. მათ შორისაა: ნაძვის ხეები სილიკონის წიწვებით, დათოვლილი ბოლოებით, გირჩითა და კენკრით გაფორმებული და სხვ.
შეარჩიეთ საახალწლო ნაძვის ხეები ციტრუსზე და ისარგებლეთ გადახდის თქვენთვის სასურველი მეთოდით-როგორც საბანკო, ასევე, ნაღდი ანგარისწორებით (კურიერთან, უშუალოდ ნივთის ჩაბარების მომენტში.)
ინტერნეტ მაღაზია Citrus.ge-ზე, მთელი საქართველოს მასშტაბით,
თქვენთვის სასურველ მისამართზე მოგემსახურებიან!
(R)
