იუნესკოს მონაცემების მიხედვით, დედამიწაზე არსებული წყლის მარაგიდან ყველაზე სუფთა წყალი ფინეთშია. სულ ამ გამოკვლევაში მონაწილეოიბა მიიღო 122-მა ქვეყანამ. აღმოჩნდა, რომ დედამიწის 1 მილიარდზე მეტ მცხოვრებს საერთოდ არ მიუწვდება ხელი უსაფრთხო და დაუბინძურებელ წყალზე.
რომელი წყალი უფრო სწრაფად გადაიქცევა ყინულად: ცხელი თუ ცივი? ლოგიკური პასუხი ცივია, თუმცა, ცდები გვიჩვენებენ, რომ ყინულად ცხელი წყალი გაცილებით სწრაფად იქცევა, ვიდრე ცივი. რატომ ხდება ეს, მეცნიერებს, ჯერჯერობით, ზუსტი პასუხი არა აქვთ.
ალბათ, სკოლის ფიზიკის კურსიდან ყველას გვახსოვს, რომ წყალი 0 გრადუსზე იყინება, ხოლო 100 გრადუსზე დუღს. მაგრამ არსებობს ეგრეთ წოდებული ზეგადაცივებული წყალი. ამ თვისებებს ფლობს ძალიან სუფთა წყალი-მინარევების გარეშე. გაყინვის წერტილზე უფრო მეტ დაბალ ტემპერატურაზეც კი ასეთი წყალი თხევადი რჩება და არ იყინება.
ასევე სკოლიდან ვიცით, რომ წყალს გააჩნია 3 აგრეგატული მდგომარეობა: მყარი, თხევადი და გაზისებრი, მაგრამ მეცნიერებმა გამოიკვლიეს, რომ წყალს კიდევ გააჩნია 5 აგრეგატული მდგომარეობა თხევად მდგომარეობაში და 15 გაზისებრ მდგომარეობაში.
თუ წყალს -135 გრადუსამდე გავაცივებთ, ის გადაიქცევა “მინისებრ წყლად”. მინისებრი წყალი-ეს მყარი ნივთიერებაა, რომელსაც ისეთივე სტრუქტურული აგებულება აქვს, როგორც მინას.
წყალი – სიცოცხლის საფუძველია, ის ყველა ცხოველური და მცენარეული ორგანიზმის ძირითადი შემადგენელი ნაწილია: ცხოველების-75%, თევზების-78%, მედუზების-99%, პომიდორის-86%, საზამთროს-96% წყალია. ახალდაბადებული ადამიანის ორგანიზმის 86%, ხოლო ზრდასრულის -50% ასევე წყალია.
დედამიწაზე არსებული დაავადებებისა და ინფექციების 86% წყლის მეშვეობით გადადის. ამ დაავადებებით ყოველწლიურად 25 მილიონამდე ადამიანი იღუპება.
თუ ადამიანმა დაკარგა ორგანიზმის წყლის მარაგის 20%, ის დაიღუპება.
სადაა დედამიწაზე ყველაზე ბევრი წყალი? პასუხი ერთგვაროვანია: რა თქმა უნდა, მსოფლიო ოკეანეში. დედამიწის წყლის მარაგის მხოლოდ 3% -ია მტკნარი და მისი უდიდესი ნაწილი მყინვარებზე მოდის.
წყლის საშუალებით იოლად შეიძლება ვებრძოლოთ ჭარბ წონას. თუ სასმელებიდან დასალევად მხოლოდ სუფთა წყალს გამოვიყენებთ და უარს ვიტყვით სხადასხვა გამაგრილებელ სასმელებზე და წვენებზე, ამით მკვეთრად შევამცირებთ მიღებულ კალორიებს. კიდევ ერთიც, წყლის დალევის შემდეგ, ყავისა და ჩაისაგან განსხვავებით, ნაკლებად გვინდება ტკბილეულის მირთმევა.
წყალი გვეხმარება შევამციროთ გულის შეტევის რისკი. გამოკვლევებმა აჩევენეს, რომ იმ ადამიანებში, რომლებიც დღეში 6 ჭიქა წყალს სვამდნენ, გაცილებით მცირე იყო გულის შეტევების რიცხვი, ვიდრე ისეთ ადამიანებში, ვინც მხოლოდ 1-2 ჭიქა წყალს ღებულობდა დღეში.
ადამიანს უჭმელი შეუძლია გაძლოს 6 კვირა, მაგრამ უწყლოდ-მხოლოდ-5-6 დღე. მთელი თავისი ცხოვრების მანძილზე საშუალოდ ერთი ადამიანი 35 ტონა წყალს სვამს.
წყალი შეიძლება იყოს შეუფასებელი, თუმცა ის ასევე შეიძლება იყოს ძალიან ძვირი. მსოფლიოში ყველაზე ძვირი წყალი იყიდება ლოს-ანჟელესში. მწარმოებლები ეკოლოგიურად სუფთა წყალს ფუთავენ დაბალანსებული პჰ-ის მქონე ჭურჭელში, რომელიც გარედან შემკობილია სვაროვსკის თვლებით. ასეთი წყლის 1 ლიტრი 90$ ღირს.
სასარგებლოსთან ერთად არსებობს აგრეთვე სახიფათო წყალიც. მაგალითად, აზერბაიჯანში არის წყალი, რომელიც შეიცავს მეთანს, მასთან ანთებული ასანთის მიტანისთანავე წყალი ფეთქდება. ხოლო სიცილიის ერთ ერთი ტბის ფსკერზე არის მჟავას საბადო, რომელიც ტბის მთელ წყალს მომწამვლელად აქცევს.
ზღვის წყალი – საკმაოდ კვებითი ღირებულების მქონე სუბსტანციაა. ასეთი წყლის 1 კუბური სანტიმეტრი შეიცავს 1, 5 გრამ ცილას და აგრეთვე სხვა მკვებავ ნივთიერებებს. მეცნიერები თვლიან, რომ მხოლოდ ატლანტის ოკეანე შეიცავს იმდენ მკვებავ ნივთიერებას, რამდენსაც მთელ დედამიწაზე 20 000 წლის განმავლობაში მოწეული მოსავალი ერთად.
ავტორი
