“საქართველოს ნატოში წევრობის ამბიცია აქვს, მაგრამ არსებული პოლიტიკური დინამიკის გამო გაყინულია”

საქართველოს აქვს ამბიცია, რომ ნატოში გაწევრიანდეს, თუმცა, არსებული პოლიტიკური დინამიკის პირობებში, მისი წევრობა ეფექტურად გაყინულია“, _ ამის შესახებ  ამერიკული გამოცემა  ,,National Review“ წერს სტატიაში, რომელიც ეხება აშშ-ს სახელმწიფო მდივნის მაიკ პომპეოს ვიზიტს საქართველოში

სტატიის ავტორი ჯიმ ქუინი აღნიშნავს, რომ  საქართველოში არჩევნები გაუმართავი საარჩევნო სისტემის გამო გაყალბდა.

,,სახელმწიფო დეპარტამენტის ცნობით, პომპეომ თბილისში გამართულ შეხვედრებზე საქართველოს პრეზიდენტ სალომე ზურაბიშვილთან, პრემიერ მინისტრ გიორგი გახარიასთან და საგარეო საქმეთა მინისტრ დავით ზალკალიანთან შეხვედრაზე კიდევ ერთხელ დაადასტურა ამერიკის მტკიცე მხარდაჭერა საქართველოს უსაფრთხოებისა და სუვერენიტეტის მიმართ რუსეთის საფრთხის წინაშე.

პომპეოს, აქ ევროპაში და ახლო აღმოსავლეთში გაჩერებით ნაჩვენებია, ამერიკის ერთგულება ამ ძირითადი პარტნიორის (საქართველო) უსაფრათხობის და დემოკრატიული ინსტიტუტების მიმართ, იმ ფონზე, როცა ბოლო საპარლამენტი არჩევნები გაყალბდა საარჩევნო სისტემის გაუმართავობის გამო.

თბილისი მჭიდრო კავშირშია ევროკავშირთან. მას, ასევე, აქვს ამბიცია, რომ ერთ დღეს გაწევრიანდეს ნატოში, მაგრამ დღევანდელი პოლიტიკური დინამიკის პირობებში, მისი წევრობა ეფექტურად გაყინულია. პრეზიდენტმა ტრამპმა და ვიცე-პრეზიდენტმა პენსმა ბოლო წლებში კიდევ ერთხელ დაადასტურეს, რომ ქვეყანა ერთ მშვენიერ დღეს შეუერთდება ალიანსს. ტრამპის ადმინისტრაციამ ორმაგად შეასრულა ამერიკის ვალდებულებები საქართველოს მიმართ და პირველი იყო, ვინც დაამტკიცა ლეტალური თავდაცვითი დახმარების ტრანსპორტირება თბილისში 2008 წლიდან.“ –  წერია სტატიაში

შეგახსენებთ, რომ აშშ- სახელმწიფო მდივანი, მაიკ პომპეო საქართველოს 17 ნოემბერს 2-დღიანი ვიზიტით ეწვია.