სახლს მეხი დაეცა _ რა ხდება ადგილზე

წალენჯიხის მუნიციპალიტეტში სოფელ მიქავაში საცხოვრებელ სახლს მეხი დაეცა.

წალენჯიხის მერის მოადგილის, თამარ ბელქანიას ცნობით, შემთხვევის შედეგად არავინ დაშავებულა.

ამავე ინფორმაციით, დაზიანდა საცხოვრებელი სახლი. ოჯახის ერთ-ერთი წევრი კი შემთხვევის გამო შეუძლოდ გახდა და ადგილზე სასწრაფო სამედიცინო დახმარების ბრიგადა გამოიძახეს.

შემთხვევის ადგილას იმყოფებიან საგანგებო სიტუაციების მართვის სამსახურის წარმომადგენლები.

“პრაიმტაიმი”