ქალაქ ოზურგეთში პირველი ნოემბრიდან წითელ ზონაში ერთი საათით მანქანის გაჩერება ერთი ლარი დაგიჯდებათ, ყვითელ ზონაში _ 50 თეთრი, ხოლო მწვანე ზონაში _ უფასო იქნება, _ ოზურგეთის მუნიციპალიტეტის მერიის მიერ წარმოდგენილ საკითხს 30 დეპუტატმა დაუჭირა მხარი.
ოზურგეთის მუნიციპალიტეტის მერის მრჩეველმა ალეკო ბერიძემ კიდევ ერთხელ ისაუბრა პროექტის შესახებ და შემდეგ დარბაზში დასმულ კითხვებს უპასუხა.
ალეკო ბერიძემ სივრცით-ტერიტორიული დაგეგმარების და ინფრასტრუქტურის კომისიის თავმჯდომარის ლავრენტი ბიგვავას რეკომენდაციებს უპასუხა.
საუბარი იყო სეზონურობის მიხედვით ფასის დაწესებაზე, მაგრამ საკითხი არ იქნა გათვალიწინებული.
“ჩემის აზრით, ფასების სეზონის მიხედვით დაწესება ტექნიკურად არეულობას გამოიწევს და აღნიშნული საკითხის გათვალისწინებას ვერ შევძლებდით, ასევე, ტექნიკური ღონისძიებებთან დაკავშირებით, რომელიც საჭიროა პარკირების ამოქმედებისათვის, ამისათვის დაგვჭირდება გარკვეული დრო და კომისია გვაძლევს რეკომენდაციას, რომ პროექტი მისი დამტკიცების შემთხვევაში ამოქმედდეს 1 ნოემბრიდან“, _ თქვა ალეკო ბერიძემ.
ლავრენტი ბიგვავას თქმით, “პროექტის ძირითადი მიზანია მოწესრიგდეს და გარკვეულწილად განიტვირთოს ქალაქის ცენტარული ნაწილი, შეიქმნას ხელსაყრელი პირობები ქვეითად მოსიარულეთათვის უსაფრთხო გარემოს შექმნისთვის და საბოლოოდ მოწესრიგდეს ვტომანქანების ქაოსური გადაადგილება” .
მანვე ისაუბრა პარკირების წესის დანერგვასთან დაკავშირებულ შრომატევად სამუშაოებზე, რომელიც პარკირებისა ადგილის მონიშვნას, საზღვრების დადგენას, ტექნიკური საშუალებებითა და ინვენტარით აღჭურვას, ანუ მერიის მხრიდან ორგანიზაციული-ტექნიკური გეგმის წარმოდგენას მოიცავს.
მმართველი გუნდის დეპუტატის, მარი ჩხიკვიშვილის თქმით, კარგი იქნებოდა წითელ ზონაში პირველი ერთი საათის გაჩერების დროს გადასახადი 30 თეთრი ყოფილიყო, შემდეგი საათში კი _ 1 ლარი.
ოზურგეთის მუნიციპალიტეტის მერიამ არ გაითვალისწინა რეკომენდაცია და ცვლილება არ შეიტანა საკითხში. მმართველი გუნდის დეპუტატმა მხარი დაუჭირა აღნიშნულ პროექტს.
“ეს იყო, უბრალოდ, ჩემი შეთავაზება. პროექტი მერიიდან შემოვიდა და არის მათი პასუხისმგებლობა, რომ ეს ყველაფერი ჯანსაღად გახორციელდეს მუნიციპალიტეტში და ამუშავდეს. ეს არის სატესტო რეჟიმი, ასეთი დარეგულირება პარკირების არ ყოფილა ოზურგეთში, ანუ ჩვენ მივეცით შანსი განახორციელონ“, _ აღნიშნა ჩვენთან საუბრისას მარი ჩხიკვიშვილმა.
ოპოზიციონერმა დეპუტატმა დავით მჟავანაძე თქვა, რომ წითელ ზონაში მანქანის გაჩერების საფასური 30 თეთრი უნდა იყოს.
“არავინ დაობს, რომ ეს საკითხი არ არის მოსაგვარებელი. მისაღებია მსგავსი პროექტის გახორციელება, მაგრამ იმ შემთხვევაში დავუჭერ მხარს, თუ 1ლარის ნაცვლად 30 თეთრი იქნება გადასახადი“, _ თქვა დავით მჟავანაძემ.
დავით მჟავანაძემ თავის გუნდთან ერთად პროექტს მხარი არ დაუჭირა.
ასევე, შეხვედრაზე ითქვა, რომ იყოს ერთვიანი ან ერთწლიანი აბონიმენტები, რაც უფრო მეტად მოსახერხებელი იმ ხალხისთვის, რომლებიც ხშირად უწევს მანქანების გაჩერება ქალაქის ტერიტორიაზე.
დადგენილების პროექტი, რომელიც მერიის მიერ არის ინიცირებული, საკრებულოს წევრებს მერის მრჩეველმა ალექსანდრე ბერიძემ წარუდგინა და მათ შეკითხვებსაც უპასუხა.
მისივე განმარტებით, სამართლებრივი აქტის მიღების მთავრი მიზანი: მუნიციპალიტეტში პარკირების საკითხის მოწესრიგებაა.
დადგენილების მიხედვით: “სატრანსპორტო საშუალების პარკირება დაიშვება პარკირების ადგილებზე, ასევე ყველა იმ ადგილზე სადაც არ არის გაჩერების/დგომის აკრძალვის საგზაო ნიშანი ან გაჩერების/დგომის აკრძალვის საგზაო მონიშვნა, ან ამ წესითა და საქართველოს კანონმდებლობით დადგენილი სხვა აკრძალვა.
.jpg)
