ოზურგეთის მუნიციპალიტეტის საკრებულოს თავმჯდომარე დავით დარჩია “ნაციონალური მოძრაობის” მოთხოვნას თანამდებობის დატოვების შესახებ არ შეასრულებს.
ამის შესახებ დარჩიამ ექსკლუზიურად “გურია ნიუსთან” საუბრისას განაცხადა:
_ სად უნდა გადავდგე, ან რატომ უნდა გადავდგე?! ვფიქრობ, რომ მათი მოთხოვნა აბსურდულია და შეუძლებელია ამაზე სერიოზული პასუხის გაცემა, _ აღნიშნა დარჩიამ.
მისივე თქმით, “ნაციონალურ მოძრაობას” უკვე გასცა წერილობით ამომწურავი პასუხი მათ კიდევ ერთ მოთხოვნაზე და გარკვევით განუმარტა თუ რატომ არ დანიშნავს რიგგარეშე სხდომას.
რაც შეეხება ქათამაძის ცემაში მონაწილე პირების დასჯას _ დარჩია ამბობს, რომ მიმდინარეობს გამოძიება:
_ არსებობს უდანაშაულობის პრეზუმცია, რომელიც არავინ არ უნდა დაარღვიოს. მიმდინარეობს გამოძიება, რომელიც დაადგენს ჭეშმარიტებას, _ აღნიშნა დარჩიამ ჩვენთან საუბრისას დარჩიამ.
დარჩიამ, ჩვენთან საუბრისას, ასევე კომენტარი გააკეთა დღეს საკრებულოში მომხდარ ინციდენტზე _ “ნაციონალური მოძრაობის” მიერ მისთვის მიტანილ ლურჯ “კასკაზე”:
_ ამაზე რა უნდა ვთქვა. ამით, ყველამ დაინახა რასაც წარმოადგენენ. “კასკა”მაგათ ჭირდებათ, რადგან ეს ის ადამიანები არიან, რომლებმაც ხელისუფლებაში ყოფნის დროს არაერთი ადამიანი გაამწარეს და ნუ გონიათ, რომ ეს ვინმეს დაავიწყდა, _ თქვა დარჩიამ.
შეგახსენებთ, რომ ოზურგეთის საკრებულოს თავმჯდომარის გადადგომის მოთხოვნით, ასევე რიგგარეშე სხდომის დანიშვნის და ბესო ქათამაძის ცემაში მონაწილე დეპუტატების დასჯის მოთხოვნით, ამ წუთებში, ოზურგეთის ადმინისტრაციული შენობის წინ “ნაციონალური მოძრაობის” აქცია მიმდინარეობს.
ამავე დროს, ამ მოთხოვნით, უკვე მეხუთე დღეა შიმშილობენ საკრებულოს დეპუტატები.
ამავე თემაზე: ლევან ხაბეიშვილი: ეს არ არის მარტო ოზურგეთის ომი
მურთაზ ზოდელავა: ეს არის დეპუტატის მკვლელობის მცდელობა
ხმაური და დაპირისპირება ოზურგეთის საკრებულოში _ პოლიციამ “ნაციონალებს” “კასკა” არ ჩამოაკიდებინა
