საქართველოს მეხუთე პრეზიდენტი სალომე ზურაბიშვილი სოციალურ ქსელში განცხადებას ავრცელებს.
“ერთი კანონით როგორ მიაღწიო მრავალ შედეგს ?! ამის მაგალითია ახალი საჯარო სამსახურის კანონი. ახალი კანონი აწესებს საჯარო მოხელესი სრულ დაქვემდებარებას ბიუროკრატიულ იერარქიაზე, რაც ნიშნავს საჯარო სამსახურის ტოტალურ პოლიტიზირებას. მეორეს მხრივ კანონი აწესებს პედაგოგიური საქმიანობის შეზღუდვას იმათთვის, ვინც პოლიტიკურ სანდო პირად არ მიიჩნევა ზემდგომ პირების თვალში. თავისუფალ თუ ოპოზიციურად განწყობილ ადამიანებზე ფინანსურ ახალ ზეწოლას გამოიწვევს მეორე სამსახურის აკრძალვა. და ბოლოს ასეთი შერჩევითი წესი აკადემიურ თავისუფლების კიდევ ერთ შეზღუდვას ემსახურება.
ასეთ მავნებლურ კანონებს ერთისმეორეს მიყოლებით ორ-სამ დღეში რომ ინიცირებენ და ამტკიცებენ, ყოველგვარ დისკუსიის გარეშე, ხომ არ გგონიათ, რომ რომელიმე იყოს თბილისში მოფიქრებული ან თუნდაც დაწერილი. გადაწერილი კი ბატონო!
ჩვენ დღეს საქმე გვაქვს არა ერთ კონკრეტულ რუსულ კანონთან, არამედ რუსულ კანონმდებლობის სრულ ერთობლიობასთან, რომლის მიზანია საქართველოს სახელმწიფოს ძირეულად სახე უცვალოს და ჩრდილოეთ მეზობლის ანარეკლად იქცეს.
პს. ცხადია, განათლების კანონი თუ რეპრესიულ კანონთა მთელი რიგი ამავე ჭრილში იკითხება!“_ წერს სალომე ზურაბიშვილი.
