ვერძი – თქვენთვის თავის ტკივილი ყველაზე ნაცნობია. ხშირად გაწუხებთ ეს პრობლემა. ასევე, შესაძლოა, თავი იჩინოს კბილების, პირის ღრუს დაავადებებმა, ამიტომ, ხშირად ესტუმრეთ სტომატოლოგს. მუდმივად ჩქარობთ, ჭამის დროსაც გეჩქარებათ და შესაბამისად, ამის გამო პრობლემები ჩნდება.
კურო – ყელი, ფილტვები თქვენი ყველაზე სუსტი წერტილია. ზოგადად, ავად იშვიათად ხდებით. მთავარია, როცა ყელსა და ფილტვებზე რაიმე პრობლემას შენიშნავთ, არ უგულებელყოთ. წინააღმდეგ შემთხვევაში,ჯანმრთელობის პრობლემები შეგექმნებათ.
ტყუპები – ყველაზე პრობლემური არეა ხელები, მკლავები, მხრები და ფილტვები. აუცილებლად ივარჯიშეთ ხშირად, ხშირად გადაადგილდით და დაკავდით ფიზიკური აქტივობით.
კირჩხიბი – პრობლემები შეიძლება მუცლის არეში, საჭმლის მომნელებელ ორგანოებზე შეგექმნათ. ძალიან ემოციური ხართ. ემოციების გაკოტროლება გიჭირთ. მუდამ შფოთავთ და სტრესში ხართ. სტრესი კი, საჭმლის მომნელებელ სისტემაზე უარყოფითად მოქმედებს. ეცადეთ იყოთ მშვიდად, იკვებოთ ჯანსაღად და დაკავდეთ ფიზიკური აქტივობით.
ლომი – ჯანმრთელობის პრობლემები მოსალოდნელია რომ შეგექმნათ გულსა და ხერხემალზე. ზოგადად, ზოდიაქოს ეს ნიშნები ჯანმრთელობით გამოირჩევიან. მათ უყვართ საკუთარი თავი და მასზე ზრუნვა. განსაკუთრებით უნდა გაუფრთხილდნენ გულს. მოერიდონ შფოთვას, უნდა ეცადონ, რომ მოვლენებს პოზიტიურად შეხედონ.
ქალწული – ჯანმრთელობის თვალსაზრისით მთავარი პრობლემა შეიძლება კუჭზე შეგექმნათ და ყველაზე მეტი სიფრთხილის გამოჩენა ამ კუთხით მოგიწევთ. აუცილებლად იკვებეთ სწორად და ჯანსაღად. მოერიდეთ ისეთ სასმელსა და საკვებს, რომელიც კუჭისთვის მავნებელია.
სასწორი – პრობლემური გაქვთ კანი და თირკმელები. შესაძლოა, ორგანიზმში წყლის ბალანსი დაგერღვეთ. გაუფრთხილდით კანს, წინააღმდეგ შემთხვევაში, შეიძლება კანისრაიმე დაავადებამ იჩინოს თავი.
მორიელი – შესაძლოა, სისხლის მიმოქცევის თვალსაზრისით შეგექმნათ პრობლემები. მიირთვით ბევრი ციტრუსი, დაკავდით სხვადასხვა ფიზიკური აქტივობით და პრობლემას თავს დააღწევთ.
მშვილდოსანი – თქვენი მთავარი პრობლემა შესაძლოა ღვიძლი გახდეს. ზოგადად, იშვიათად გაწუხებთ ჯანმრთელობის პრობლემები, ვინაიდან ცხოვრებას პოზიტიურად უყურებთ, პოზიტივი კი, სიჯანსაღის შენარჩუნებაში გეხმარებათ, მაგრამ მაინც, ასტროლოგები გირჩევენ, რომ ყველაზე მეტად ღვიძლს გაუფრთხილდეთ, აკონტროლოთ წონა და იკვებოთ ჯანსაღად.
თხის რქა – თქვენი სუსტი წერტილი ძვლოვანი სისტემაა. შესაძლოა, განსაკუთრებული ტკივილი იგრძნოთ მუხლების არეში. დარწმუნდით, რომ რეგულარულად ისვენებთ, ვარჯიშობთ და განტვირთისთვისაც გამონახავთ დროს. მიიღეთ კალციუმი და კალციუმით მდიდარი საკვები.
მერწყული – თქვენი პრობლემური ნაწილი გულ-სისხლძარღვთა სისტემაა. ეს პრობლემა შეიძლება თქვენი სამუშაო რეჟიმის გამო წარმოიშვას. რეგულარულად ივარჯიშეთ და თავი აარიდეთ დეპრესიას.
თევზები – თქვენ შესაძლოა ფსიქოლოგიური პრობლემების წინაშე აღმოჩნდეთ. თევზები გამორჩეულად ემოციურები და მგრძნობიარეები ხართ. გიჭირთ რეალობის აღქმა და თუ არ ეცდებით მიწაზე მყარად ყოფნას, შესაძლოა, ფსიქოლოგიურმა პრობლემებმა იჩინონ თავი.
