ჩხოროწყუს მუნიციპალიტეტში მომხდარ ავტოსაგზაო შემთხვევას 21 წლის ახალგაზრდა ემსხვერპლა, ერთი პირი კი დაშავდა. ადგილობრივების ინფორმაციით, სოფელ ზუმის ტერიტორიაზე მსუბუქი ავტომობილი ხეს შეეჯახა.
შემთხვევის შედეგად 21 წლის შალე ბებია ადგილზე გარდაიცვალა, ხოლო მეორე მგზავრი დაშავდა.
როგორც შინაგან საქმეთა სამინისტროში აცხადებენ, მომხდარზე გამოძიება საქართველოს სისხლის სამართლის კოდექსის 276-ე მუხლით დაიწყო. სამართალდამცავებმა ავტომობილის მძღოლი დააკავეს.
