სტიქიის შედეგები ოზურგეთის მუნიციპალიტეტის დაბა ნასაკირალში _ სამი ოჯახის მდგომარეობა მძიმეა, მოქალაქეები გასული არიან უსაფრთხო ადგილზე, დაბაში დაზიანდა შიდა სასოფლო გზები, დამეწყრილია ციტრუსის და თხილის ბაღები, ადიდებულმა მდინარებმა სიმინდის ყანები გაანადგურა, ასევე ადიდებულმა მდინარემ ნასაკირალის წყლის სათავო ნაგებობა აუზთან ერთად დატბორა, _ წერს სოციალურ ქსელში დეპუტატი ოზურგეთის საკრებულოში ბესო ქათამაძე.
შეგახსენებთ, რომ სტიქიამ პრობლემები შექმნა გურიაში. დაიღუპა 3 ადამიანი, მათ შორის, 2 ბავშვი. ძლიერი ნალექის შედეგად დატბორილია საცხოვრებელი სახლები, საველე სავარგულები, მოტეხილია ხეები, ჩამოშლილია მიწის მასები, გარე სამყაროს მოწყვეტილია გურიის რეგიონის რამდენიმე სოფელი.
რეგიონში სტიქიით მიყენებული ზარალის აღმოსაფხვრელად ამოქმედებულია ცხელი ხაზი:
სახელმწიფო რწმუნებულის ადმინისტრაცია: 551 38 38 05
ოზურგეთის მუნიციპალიტეტი: 577 601 304
ლანჩხუთის მუნიციპალიტეტი: 599058700
