სამხრეთ ოსეთში რუსეთთან შეერთების შესახებ რეფერენდუმი გაიმართება

„ანატოლი ბიბილოვმა ხელი მოაწერა განკარგულებას სამხრეთ ოსეთის რესპუბლიკაში რეფერენდუმის ჩატარების შესახებ“, – ნათქვამია მისი ოფისის განცხადებაში, სადაც მოხსენიებულია მისი ხალხის „ისტორიული მისწრაფება“ შეუერთდეს რუსეთს. სამხრეთ ოსეთი 2008 წელს რუსეთ-საქართველოს ომის ცენტრში იყო, რის შემდეგაც კრემლმა ეს ტერიტორია – სხვა სეპარატისტულ რეგიონთან, აფხაზეთთან ერთად – დამოუკიდებელ სახელმწიფოდ აღიარა და იქ სამხედრო ბაზები განათავსა.

”ჩვენ სახლში ვბრუნდებით”, – თქვა ბიბილოვმა Telegram-ზე.

„ერთხელ და სამუდამოდ გაერთიანების დრო დადგა. სამხრეთ ოსეთი და რუსეთი ერთად იქნებიან. ეს არის დიდი ახალი ისტორიის დასაწყისი“, – დასძინა ლიდერმა.

ცნობისთვის, ბიბილოვმა ხელახლა არჩევნებში მონაწილეობა ამ თვის დასაწყისში მიიღო და  წააგო. რუსეთმა გამოთქვა იმედი, რომ მომავალი ლიდერი ალან გაგლოევი შეინარჩუნებს “განგრძობადობას” მოსკოვთან კავშირებში. განცხადება გაკეთდა უკრაინაში ომის 79-ე დღეს, სადაც ათასობით ადამიანი დაიღუპა და ექვს მილიონზე მეტი ადამიანი გაიქცა ქვეყნიდან.

უკრაინის სეპარატისტულმა რეგიონებმა დონეცკმა და ლუგანსკმა ასევე გამოხატეს რუსეთთან შეერთების ინტერესი. უკრაინაზე სრულმასშტაბიანმა თავდასხმამ საქართველოში სოლიდარობის გაღვივება გამოიწვია. საქართველომ ადრე დაგმო, როგორც “მიუღებელი” სამხრეთ ოსეთის გეგმები რუსეთთან შეერთების შესახებ რეფერენდუმის ჩატარების შესახებ.

როგორც გამოცემა წერს, 2008 წლის აგვისტოში რუსეთმა დაიწყო თავდასხმა საქართველოს წინააღმდეგ. მათ დაბომბეს ქართული სოფლები. ბრძოლა ხუთი დღის შემდეგ დასრულდა ევროკავშირის შუამავლობით ცეცხლის შეწყვეტით, მაგრამ დაიღუპა 700-ზე მეტი ადამიანი  და ათიათასობით ეთნიკური ქართველი დევნილი გახდა.