სამტრედიის მუნიციპალიტეტის სოფელ ღანირის საჯარო სკოლის მე-11 კლასის მოსწავლე თამარ დანელია მომავალ ლიდერთა გაცვლითი პროგრამა “FLEX” -ის ფინალისტი გახდა.
,, ეს არის ჩვენი სკოლის, სამტრედიის საგანმანათლებლო რესურს-ცენტრის და სრულიად სამტრედიის მუნიციპალიტეტის დიდი წარმატება,”_ საკუთარი ფეისბუქის გვერდზე ამ სასიხარულო ინფორმაციას ავრცელებს ღანირის საჯარო სკოლის დირექტორი, გოჩა დანელია. კონკურსში მონაწილეობა მიიღო 4000-მა კონკურსანტმა. ფინალისტების შერჩევა მიმდინარეობდა სამ ეტაპად. პირველ ტურში ონლაინ აპლიკაციასა და სამი ესსეს კითხვების გადალახვის შემდეგ თამარ დანელია გადავიდა მეორე ტურში, სადაც კონკურსანტს დაევალა ინგლისური ენის ონლაინ ტექსტის დაწერა, ხოლო ამ ტურის გადალახვის შემდეგ თამარმა მონაწილეობა გააგრძელა მესამე ტურში, რაც მოიცავდა გასაუბრებას, 3 ესსეს კითხვას, ინგლისური ენის გაძლიერებულ ტესტს და სრულ აპლიკაციას.
,,ზემოთ ჩამოთვლილი ყველა საფეხურის წარმატებით გადალახვის შემდეგ, ამერიკული საბჭოების საქართველოს ოფისიდან მივიღეთ შეტყობინება თამარ დანელიას “FLEX” -ის ფინალისტობის შესახებ,”– წერს გოჩა დანელია.
ავტორი
