სანაპირო დაცვამ მალტის დროშის ქვეშ მცურავი მშრალტვირთმზიდი გემი დააკავა და გემის კაპიტანი დააჯარიმა,_ ინფორმაციას სასაზღვრო პოლიცია ავვრცელებს.
“შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის თანამშრომლებმა მალტის დროშის ქვეშ მცურავი მშრალტვირთმზიდი გემი “SEAEXPRESS” საქართველოს ტერიტორიულ წყლებში, ნაოსნობის წესების დარღვევისთვის დააკავეს.
გემის კაპიტნის მიმართ სასაზღვრო პოლიციის ოპერატიულ-საგამოძიებო მთავარი სამმართველოს თანამშრომლებმა საქმისწარმოება ნაოსნობის წესების დარღვევის ფაქტზე, საქართველოს ადმინისტრაციულ სამართალდარღვევათა კოდექსის 114 პრიმა მუხლის პირველი ნაწილის „თ“ ქვეპუნქტით დაიწყეს.
გემის კაპიტანს ბიუჯეტის სასარგებლოდ დაეკისრა ჯარიმა – 50 000 ლარი. ჯარიმის გადახდის შემდეგ, გემს თავისუფალი ნაოსნობის უფლება მიეცა“,_ წერია გავრცელებულ ინფორმაციაში.
