მიხეილ სააკაშვილმა სოციალურ ქსელში ყოფილ მეუღლეზე სტატუსი გამოაქვეყნა.
„სანდრა არის ყველზე კეთილშობილი და გონიერი ადამიანი, რომელთანაც შეხვედრის უდიდესი ბედნიერება მხვდა წილად. ძალიან ბევრ რამეს, რასაც მივაღწიე მას უნდა ვუმადლოდე. ჩვენ გავზარდეთ ორი ერთმანეთზე უკეთესი, საქართველოს პატრიოტი შვილი. სანდრა რჩება ჩემი ცხოვრების მთავარ სიყვარულად, ვინაიდან ეს იყო ძალიან დიდი სიყვარულის ისტორია და ჩემი პიროვნების უმნიშვნელოვანეს ნაწილად. ძალიან განვიცდი ყველა იმ მომენტს, როცა მას გული ვატკინე. მომავალში ყველაფერს გავაკეთებ, რათა მას, ედუარდს და ნიკოლოზს გვერდით დავუდგე“,- წერს მიხეილ სააკაშვილი.
შეგახსენებთ, რომ რამდენიმე დღის წინ სანდრა რულოვსმა კლინიკა ”ვივამედში” საქართველოს ყოფილი პრეზიდენტი, მიხეილ სააკაშვილი მოინახულა.
კლინიკის დატოვების შემდეგ რულოვსმა პოსტი დაწერა, სადაც აღნიშნავდა, რომ 2 წლის შემდეგ შედგა მათი საუბარი.
„ორი წელიწადი დამჭირდა მანამ, სანამ ფსიქოლოგიურად შემეძლო მიშას მონახულება. დღეს შედგა ჩვენი ხანგრძლივი შეხვედრა და გულწრფელი საუბარი. ვუსურვებ მას თავისუფლებას, ჯანმრთელობას და ბედნიერებას. ჩვენ ერთად აღარ ვართ“, – წერდა სანდრა რულოვსი სოციალურ ქსელში.
